IND vs AUS: இந்தியா 4-0 என்ற கணக்கில் தொடரை கைப்பற்றும் - சௌரவ் கங்குலி!
ஆஸ்திரேலியாவுக்கு எதிராக இந்தியா 4-0 என்ற கணக்கில் வெற்றி பெறும் என்று இந்திய் அணியின் முன்னாள் வீரர் சௌரவ் கங்குலி கணித்துள்ளார்.
இந்த இரு டெஸ்ட் போட்டிகளிலும் ஆஸ்திரேலிய அணி 3 நாட்கள் கூட தாக்குப்பிடிக்கவில்லை. சுழற்பந்து வீச்சுக்கு எதிராக அந்த அணியின் பேட்ஸ்மேன்கள் கையாண்ட பேட்டிங் யுத்திகளும் கடும் விமர்சனங்களுக்கு உள்ளாகி உள்ளன. பந்துகள் தாழ்வாக வரும் ஆடுகளங்களில் ஸ்வீப், ரிவர்ஸ் ஸ்வீட் ஷாட்களை விளையாடி ஆஸ்திரேலிய அணியின் பேட்ஸ்மேன்கள் தங்களது விக்கெட்களை தாரை வார்த்தனர்.
Trending
இந்நிலையில் இரு அணிகளுக்கும் இடையேயான 3ஆவது டெஸ்ட் போட்டி வரும் மார்ச் 1ஆம் தேதி இந்தூரில் தொடங்க உள்ளது. இதனையொட்டி ஆஸ்திரேலிய அணி மீது அந்நாட்டு முன்னாள் வீரர்கள் விமர்சனங்களை முன்வைத்து வருகின்றனர்.இந்நிலையில், ஆஸ்திரேலியாவுக்கு எதிராக இந்தியா 4-0 என்ற கணக்கில் வெற்றி பெறும் என்று இந்திய் அணியின் முன்னாள் வீரர் சௌரவ் கங்குலி கணித்துள்ளார்.
இதுகுறித்து பேசிய சௌரவ் கங்குலி, “இந்தியா 4-0 என ஆஸ்திரேலியாவை வீழ்த்தும் என நான் நினைக்கிறேன். இந்தியாவை வீழ்த்துவது ஆஸ்திரேலியாவுக்கு கடினமாக இருக்கும். இதுமாதிரியான பிட்ச் கண்டிஷன்களில், நாமே அனுபவம் வாய்ந்த அணியாக இருக்கிறோம்” என்று தெரிவித்துள்ளார்.
Win Big, Make Your Cricket Tales Now
