இந்திய டெஸ்ட் அணியின் இடம்பெற்ற புதுமுகம்; யார் இந்த சவுரவ் குமார்?
இலங்கை டெஸ்ட் தொடருக்கான இந்திய டெஸ்ட் அணியில் அறிமுக வீரராக சவுரவ் குமார் சேர்க்கப்பட்டுள்ளார்.
இந்த இரு தொடருக்கான இந்திய அணியை பிசிசிஐ நேற்று ஏற்கனவே அதிகாரபூர்வமாக அறிவித்து இருந்தது. அதன்படி டி20 போட்டிகள் வரும் 24, 26 மற்றும் 27 ஆகிய தேதிகளில் லக்னோ மற்றும் தர்மசாலா மைதானங்களில் நடைபெறும் என்று அறிவிக்கப்பட்டுள்ளது. அதனைத் தொடர்ந்து மார்ச் 4ஆம் நாள் முதல் 8ஆம் நாள் வரை முதலாவது டெஸ்ட் போட்டியும், மார்ச் 12 முதல் 16 வரை பெங்களூருவில் இரண்டாவது டெஸ்ட் போட்டியும் நடைபெறும் என்று முடிவாகியுள்ளது.
Trending
அதிலும் குறிப்பாக இந்தியா மற்றும் இலங்கை அணிகளுக்கு இடையேயான 2ஆவது டெஸ்ட் போட்டி பகல் இரவு ஆட்டமாக நடைபெறும் என்று அறிவிக்கப்பட்டுள்ளது. இந்நிலையில் இந்த டெஸ்ட் தொடருக்கான இந்திய அணியில் இளம் வீரர் ஒருவருக்கு வாய்ப்பு வழங்கப்பட்டுள்ளது பெரிய கவனத்தை ஈர்த்துள்ளது. அந்த வகையில் 28 வயதான சவுரவ் குமார் என்கிற வீரருக்கு இந்திய அணியில் இடம் கிடைத்துள்ளது.
ஏற்கனவே அணியில் ஜடேஜா, அஸ்வின் மற்றும் குல்தீப் என மூன்று சுழற்பந்து வீச்சாளர்கள் இருக்கும் வேளையில் இவரைத் தேர்வு செய்தது ஏன் என்று ரசிகர்கள் தேடி வருகின்றனர். அந்த வகையில் அதற்கான விளக்கத்தை உங்களுக்காக நாங்கள் இங்கே தொகுத்து வழங்கியுள்ளோம்.
அதன்படி உத்தரபிரதேச மாநிலத்தை சேர்ந்த சவுரவ் குமார் இடதுகை சுழற்பந்து வீச்சாளர் என்பது மட்டுமின்றி இடதுகை பேட்ஸ்மேன் ஆவார். கடந்த 2015ஆம் ஆண்டு முதல்தர கிரிக்கெட்டில் அறிமுகமான இவர் 304 ரன்கள் அடித்து மட்டுமின்றி 17 விக்கெட்டுகளையும் அவரது அறிமுக ரஞ்சித் தொடரிலேயே கைப்பற்றி அசத்தினார். அதோடு 2017-18 ரஞ்சி கோப்பையில் உத்தரப்பிரதேச அணி சார்பாக அதிக விக்கெட்டுகளை வீழ்த்திய பந்துவீச்சாளர் என்ற பெருமையை 23 விக்கெட்டுகளுடன் பெற்றார். மேலும் கடந்த முறை 2019-20 ஆண்டின் ரஞ்சிப் போட்டியில் 44 விக்கெட்டுகளை கைப்பற்றி அசத்தியுள்ளார்.
இதுவரை முதல்தர கிரிக்கெட்டில் 46 போட்டிகளில் விளையாடி 196 விக்கெட்டுகளை வீழ்த்தியுள்ளார். பேட்டிங்கிலும் 8 அரை சதங்கள் 2 சதங்கள் என 1572 ரன்கள் எடுத்து அசத்தியுள்ளார். இதன் காரணமாகவே அவரை ஒரு ஆல்-ரவுண்டராக இந்திய அணியில் இடம் பிடித்துள்ளார்.
Win Big, Make Your Cricket Tales Now
