ஐசிசி டி20 உலகக்கோப்பை: தென் ஆப்பிரிக்க அணி அறிவிப்பு; இரு அறிமுக வீரர்களுக்கு வாய்ப்பு!
வெஸ்ட் இண்டீஸ் & அமெரிக்காவில் நடைபெறும் டி20 உலகக்கோப்பை தொடரில் விளையாடவுள்ள ஐடன் மார்க்ரம் தலைமையிலான தென் ஆப்பிரிக்க அணி இன்று அறிவிக்கப்பட்டுள்ளது.
ஐசிசி டி20 உலகக்கோப்பை தொடரானது வரும் ஜூன் மாதம் முதல் வெஸ்ட் இண்டீஸ் மற்றும் அமெரிக்காவில் நடைபெறவுள்ள நிலையில், இத்தொடரில் எந்த அணி கோப்பையை வெல்லும் என்ற எதிர்பார்ப்புகள் அதிகரித்துள்ளன. இந்நிலையில் இத்தொடரில் பங்கேற்கும் ஒவ்வொரு அணியும் தீவிரமாக தயாராகி வரும் நிலையில், இத்தொடரில் பங்கேற்கும் அணிகளை ஒவ்வொரு கிரிக்கெட் வாரியமும் அறிவிக்க தொடங்கியுள்ளன.
அந்தவகையில் நடப்பு டி20 உலகக்கோப்பை கிரிக்கெட் தொடருக்கான தென் ஆப்பிரிக்க அணி இன்றைய தினம் அறிவிக்கப்பட்டுள்ளது. ஐடன் மார்க்ரம் தலைமையிலான இந்த அணியில் டேவிட் மில்லர், ரீஸா ஹெண்ட்ரிக்ஸ், காகிசோ ரபாடா, தப்ரைஸ் ஷம்ஸி, டிரிஸ்டன் ஸ்டப்ஸ், ஹென்ரிச் கிளாசென், மார்கோ ஜான்சன், ஜெரால்ட் கோட்ஸி மற்றும் கேசவ் மகாராஜ் போன்ற நட்சத்திர வீரர்கள் அணியில் இடம்பிடித்துள்ளனர்.
Trending
அதேசமயம் சமீபத்தில் தென் ஆப்பிரிக்க கிரிக்கெட் வாரிய ஒப்பந்த பட்டியலிலிருந்து வெளியேற்றப்பட்ட குயின்டன் டி காக் மற்றும் ஆண்ட்ரிச் நோர்ட்ஜே ஆகியோருக்கு உலகக்கோப்பை அணியில் இடம் கிடைத்துள்ளது. அதேசமயம் இந்தாண்டி எஸ்ஏ20 லீக் தொடரில் அபாரமான ஆட்டத்தை வெளிப்படுத்திய ஒட்னியல் பார்ட்மேன், ரியான் ரிக்கெல்டன் போன்ற அறிமுக வீரர்களுக்கும் அணியில் வாய்ப்பு கிடைத்துள்ளது.
South Africa have named their T20 World Cup 2024 squad!
— CRICKETNMORE (@cricketnmore) April 30, 2024
#SouthAfrica #T20WorldCup #SA #CricketTwitter pic.twitter.com/ZsO15p2jzM
நடந்துமுடிந்த எஸ்ஏ 20 லீக் தொடரில் மும்பை இந்தியன்ஸ் கேப்டவுன் அணிக்காக விளையாடிய ரியான் ரிக்கெல்டன் 58.88 சராசரியுடன், 173 ஸ்டிரைக்ரேட்டில் 530 ரன்களைக் குவித்தார். அதேசமயம் இந்த சீசனில் சன்ரைசர்ஸ் ஈஸ்டர்ன் கேப் அணிக்காக விளையாடிய ஒட்னியல் பார்ட்மேன் 18 விக்கெட்டுகளை கைப்பற்றியதுடன், சன்ரைசர்ஸ் அணி இரண்டாவது முறையாக சாம்பியன் பட்டம் வெல்வதற்கும் முக்கிய காரணமாக திகழ்ந்தார் என்பது குறிப்பிடத்தக்கது.
தென் ஆப்பிரிக்க அணி: ஐடன் மார்க்ராம் (கேப்டன்), ஒட்னியல் பார்ட்மேன், ஜெரால்ட் கோட்ஸி, குயின்டன் டி காக், ஜார்ன் ஃபோர்டுயின், ரீஸா ஹென்ட்ரிக்ஸ், மார்கோ ஜான்சன், ஹென்ரிச் கிளாசென், கேசவ் மகராஜ், டேவிட் மில்லர், அன்ரிச் நோர்ட்ஜே, ககிசோ ரபாடா, ரியான் ரிக்கெல்டன், தப்ரைஸ் ஷம்சி, டிரிஸ்டன் ஸ்டப்ஸ்.
ரிஸர்வ் வீரர்கள் - நந்த்ரே பர்கர், லுங்கி இங்கிடி
Win Big, Make Your Cricket Tales Now
