மிட்செல் ஸ்டார்க் ஓவரை பிரித்து மேய்ந்த பில் சால்ட் - காணொளி!

மிட்செல் ஸ்டார்க்கின் ஒரே ஓவரில் பில் சால்ட் அடுத்தடுத்து பவுண்டரிகளை விளாசிய கணொளியானது இணையத்தில் வைரலாகி வருகிறது.

மிட்செல் ஸ்டார்க் ஓவரை பிரித்து மேய்ந்த பில் சால்ட் - காணொளி! (Image Source: Google)

ஐபிஎல் தொடரில் இன்று நடைபெற்ற லீக் போட்டியில் ராயல் சேலஞ்சர்ஸ் பெங்களூரு மற்றும் டெல்லி கேப்பிட்டல்ஸ் அணிகள் பலப்பரீட்சை நடத்தின. பெங்களூருவில் உள்ள எம் சின்னசாமி மைதானத்தில் நடைபெற்ற இப்போட்டியில் டாஸ் வென்ற டெல்லி கேப்பிட்டல்ஸ் அணி முதலில் பந்துவீசுவதாக அறிவித்தது.

அதன்படி களமிறங்கிய ஆர்சிபி அணியின் தொடக்க வீரர்கள் பில் சால்ட் மற்றும் விராட் கோலி இணை முதல் விக்கெட்டிற்கு 61 ரன்கள் பார்ட்னர்ஷிப் அமைத்தனர். அதன்பின் 37 ரன்களில் பில் சால்ட்டும், 22 ரன்களில் விராட் கோலியும் ஆட்டமிழக்க, அதன்பின் களமிறங்கிய கேப்டன் ரஜத் பட்டிதார் 25 ரன்களில் நடையைக் கட்டினார். இறுதியில் அதிரடியாக விளையாடிய டிம் டேவிட் 2 பவுண்டரி, 4 சிக்ஸர்கள் என 37 ரன்களைச் சேர்த்து அணிக்கு தேவையான ஃபினிஷிங்கை கொடுத்தனர். 

இதன்மூலம் ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 7 விக்கெட்டுகள் இழப்பிற்கு 163 ரன்களைச் சேர்த்தது. டெல்லி கேப்பிட்டல்ஸ் தரப்பில் விப்ராஜ் நிகம் மற்றும் குல்தீப் யாதவ் தலா 2 விக்கெட்டுகளை கைப்பற்றினர். இதனையடுத்து 164 ரன்கள் எடுத்தால் வெற்றி என்ற இலக்கை நோக்கி டெல்லி கேப்பிட்டல்ஸ் அணி விளையாடி வருகிறது. இந்நிலையில் இப்போட்டியில் பில் சால்ட் அதிரடியாக விளையாடிய காணொளி ஒன்று வைரலாகி வருகிறது. 

அதன்படி இன்னிங்ஸின் 3ஆவது ஓவரை டெல்லி அணி தரப்பில் மிட்செல் ஸ்டார்க் வீசிய நிலையில், அதனை எதிர்கொண்ட பில் சால்ட் முதல் பந்தை சிக்ஸருக்கு விளாசிய நிலையில் அடுத்த மூன்று பந்துகளையும் பவுண்டரிக்கு விளாசி அசத்தினார். அதன்பின் ஓவரின் 4ஆவது பந்திலும் சிக்ஸரை விளாச, கடைசி பந்தில் விராட் கோலி பவுண்டரி அடித்து ஓவரை முடித்து வைத்தார். இதன்மூலம் ஆர்சிபி அணி அந்த ஒரே ஓவரில் மட்டும் மொத்தமாக 30 ரன்களைச் சேர்த்தது குறிப்பிடத்தக்கது. 

VIDEO: स्टार्क हुए साल्ट अटैक का शिकार, तीसरे ओवर में उड़ाया स्टार्क का होश,उड़ा दिए 30 रन!https://t.co/kqF66o3Ext

mdash; cricankitcinema (ANKITRANA52248) April 10, 2025

ராயல் சேலஞ்சர்ஸ் பெங்களூரு பிளேயிங் லெவன்: பில் சால்ட், விராட் கோலி, தேவ்தத் படிக்கல், ரஜத் படிதார்(கேப்டன்), லியாம் லிவிங்ஸ்டோன், ஜிதேஷ் சர்மா, டிம் டேவிட், குர்னால் பாண்டியா, புவனேஷ்வர் குமார், ஜோஷ் ஹேசில்வுட், யாஷ் தயாள்

இம்பாக்ட் வீரர்கள்: சுயாஷ் சர்மா, ரசிக் தார் சலாம், மனோஜ் பந்தேஜ், ஜேக்கப் பெத்தேல், ஸ்வப்னில் சிங்

டெல்லி கேப்பிட்டல்ஸ் பிளேயிங் லெவன்: ஃபாஃப் டு பிளெசிஸ், ஜேக் ஃப்ரேசர்-மெக்கர்க், கேஎல் ராகுல், டிரிஸ்டன் ஸ்டப்ஸ், அக்ஸர் படேல்(கேப்டன்), அசுதோஷ் சர்மா, விப்ராஜ் நிகம், மிட்செல் ஸ்டார்க், மோஹித் சர்மா, குல்தீப் யாதவ், முகேஷ் குமார்.

இம்பாக்ட் வீரர்கள்: அபிஷேக் போரல், தர்ஷன் நல்கண்டே, கருண் நாயர், சமீர் ரிஸ்வி, டோனோவன் ஃபெரீரா