வெஸ்ட் இண்டீஸ் சுற்றுப்பயணம் மேற்கொள்ளவிருக்கும் இந்திய அணி இரண்டு டெஸ்ட் போட்டிகள் 3 ஒரு நாள் போட்டிகள் மற்றும் ஐந்து டி20 போட்டிகள் கொண்ட தொடரில் பங்கேற்று விளையாடவுள்ளது. ஜூலை 12ஆம் தேதி முதல் டெஸ்ட் போட்டியை விளையாடவிருக்கும் இந்திய அணி இந்த தொடருக்கான முன்னேற்பாடுகளை பிசிசிஐ தயார்செய்து வருகின்றன.
இதனால் இந்த தொடர் குறித்தான முக்கியமான விஷயங்களை முன்னாள் வீரர்கள் மற்றும் கிரிக்கெட் வல்லுநர்கள் தங்களுக்கு மத்தியில் விவாதித்து வருகின்றனர் மேலும் இந்த தொடரில் எந்த வீரர்களுக்கெல்லாம் வாய்ப்பு கிடைத்தால் இந்திய அணிக்கு வெற்றி கிடைக்கும் என்பது போன்ற கருத்துக்களையும் தெரியப்படுத்தி வருகின்றனர்.
அந்த வகையில் இந்திய அணியின் அனுபவ சுழற் பந்துவீச்சாளர்களில் ஒருவரான சஹால், தனக்கு டெஸ்ட் போட்டிகளில் பங்கேற்று விளையாட வேண்டும் என்ற ஆசை நீண்ட காலமாகவே உள்ளது என்றும் தான் ஒரு டெஸ்ட் கிரிக்கெட்டர் என்று சொல்லிக் கொள்ளவேண்டும் என்றும் செய்தியாளர்களின் சந்திப்பின் வாயிலாக தெரிவித்துள்ளார்.
