சுனில் கவாஸ்கர் தேர்வு செய்த ஆல்டைம் இந்திய ஒருநாள் அணி; கேப்டனாக தோனி நியமனம்!

இந்திய அணியின் முன்னாள் ஜாம்பவான் சுனில் கவாஸ்கர் தன்னுடைய ஆல்டைம் இந்திய ஒருநாள் அணியை தேர்வு செய்து அறிவித்துள்ளார்.

சுனில் கவாஸ்கர் தேர்வு செய்த ஆல்டைம் இந்திய ஒருநாள் அணி; கேப்டனாக தோனி நியமனம்! (Image Source: Google)

ரசிகர்களின் பெரும் எதிர்பார்ப்புகளுக்கு பாகிஸ்தான், ஐக்கிய அரபு அமீரகத்தில் நடைபெற்று வந்த ஐசிசி ஆடவர் சாம்பியன்ஸ் கோப்பை கிரிக்கெட் தொடர் கோலாகலமாக நடந்து முடிந்துள்ளது. மொத்தம் 8 அணிகள் பங்கேற்றிருந்த இத்தொடரில் இந்தியா மற்றும் நியூசிலாந்து அணிகள் இறுதிப்போட்டிக்கு முன்னேறின.

அதன்படி துபாய் சர்வதேச கிரிக்கெட் மைதானத்தில் நேற்று நடைபெற்ற இறுதிப்போட்டியில் இந்திய அணி 4 விக்கெட் வித்தியாசத்தில் நியூசிலாந்து அணியை வீழ்த்தி த்ரில் வெற்றியைப் பதிவுசெய்து அசத்தியதுடன், சாம்பியன்ஸ் கோப்பை தொடரில் மூன்றாவது முறையாக சாம்பியன் பட்டத்தையும் வென்று அசத்தியது. இதனையடுத்து இந்திய அணிக்கு பல்வேறு தரப்புகளில் இருந்தும் வாழ்த்துகள் குவிந்து வருகின்றன.

மேற்கொண்டு சமீப காலங்களில் இந்திய அணி சர்வதேச கிரிக்கெட்டில் ஆதிக்கம் செலுத்து வருவதுடன், உலகின் தலைசிறந்த அணியாகாவும் பார்க்கப்பட்டு வருகிறது. இந்நிலையில் இந்தியாவின் சிறந்த வீரர்களை உள்டக்கிய ஒருநாள் அணியை முன்னாள் வீரர் சுனில் கவாஸ்கர் தேர்வு செய்துள்ளார். மேலும் சுனில் கவாஸ்கர் தேர்வு செய்துள்ள இந்த அணியின் கேப்டனாக இந்திய அணியின் தலைசிறந்த கேப்டன்களில் ஒருவரான எம்எஸ் தோனியைத் தேர்வு செய்துள்ளார். 

சுனில் கவாஸ்கர் தேர்வு செய்துள்ள இந்த அணியின் தொடக்க வீரர்களாக முன்னால் ஜாம்பவான் சச்சின் டெண்டுல்கர் மற்றும் ரோஹித் சர்மாவை தேர்வுசெய்துள்ளார். மூன்றாம் வரிசையில் விராட் கோலியையும், நான்காம் வரிசையில் மொஹிந்தர் அமர்நாத்தையும் தேர்வு செய்துள்ள அவர், ஐந்தாம் வரிசையில் யுவாராஜ் சிங்கையும், 6ஆம் வரிசையில் மகேந்திர சிங் தோனியையும் தேர்வு செய்துள்ளார். 

மேற்கொண்டு ஏழாம் வரிசையில் வேகப்பந்து வீச்சு ஆல்ரவுண்டர் கபில் தேவ், எட்டாம் வரிசையில் சுழற்பந்து வீச்சாளர் ரவீந்திர ஜடேஜாவும், அணியின் முதன்மை சுழற்பந்து வீச்சாளராக ஹர்பஜன் சிங்கையும் தேர்வு செய்த அவர், அணியின் வேகப்பந்து வீச்சாளர்களாக முகமது ஷமி மற்றும் ஜாகீர் கானைத் தேர்ந்தெடுத்துள்ளார். அதேசமயம் அவரது இந்த அணியில் சௌரவ் கங்குலி, ராகுல் டிராவிட், ரவிச்சந்திரன் அஸ்வின், ஜஸ்ப்ரீத் பும்ரா ஆகியோருக்கு வாய்ப்பளிக்கவில்லை என்பது குறிப்பிடத்தக்கது.

சுனில் கவாஸ்கர் தேர்வு செய்த ஆல்-டைம் இந்திய ஒருநாள் அணி: சச்சின் டெண்டுல்கர், ரோஹித் சர்மா, விராட் கோலி, மொஹிந்தர் அமர்நாத், யுவராஜ் சிங், மகேந்திர சிங் தோனி (கேப்டன் மற்றும் விக்கெட் கீப்பர்), கபில் தேவ், ரவீந்திர ஜடேஜா, ஹர்பஜன் சிங், முகமது ஷமி, ஜாகீர் கான்.

Win Big, Make Your Cricket Tales Now