டி20 தரவரிசை: மீண்டும் இரண்டாம் இடத்திற்கு முன்னேறிய சூர்யகுமார்!
சர்வதேச டி20 கிரிக்கெட்டின் வீரர்களுக்கான தரவரிசைப் பட்டியளில் இந்திய வீரர் சூர்யகுமார் யாதவ் இரண்டாம் இடத்திற்கு முன்னேறி அசத்தியுள்ளார்.
ஆஸ்திரேலியாவுக்கு எதிரான கடைசி 20 ஓவர் போட்டியில் 69 ரன்கள் விளாசிய இந்திய வீரர் சூர்யகுமார் யாதவ் இப்பாட்டியளில் 801 புள்ளிகள் பெற்று ஒரு இடம் முன்னேறி மீண்டும் 2ஆவது இடத்தை பிடித்துள்ளார்.
Trending
பாகிஸ்தான் கேப்டன் பாபர் அசாம் 799 புள்ளிகளுடன் 3ஆவது இடத்தில் உள்ளார். இந்திய அணியின் கேப்டன் ரோஹித் சர்மா ஒரு இடம் உயர்ந்து 13ஆவது இடத்தையும், விராட் கோலி 15ஆவது இடத்தையும், கேஎல் ராகுல் 4 இடம் சறுக்கி 22ஆவது இடத்தையும் பெற்றுள்ளனர்.
பந்து வீச்சாளர் தரவரிசையில் ஆஸ்திரேலிய வேகப்பந்து வீச்சாளர் ஜோஷ் ஹேசில்வுட் 737 புள்ளிகளுடன் முதலிடத்திலும், தென் ஆப்பிரிக்காவின் தப்ரைஸ் ஷம்சி 716 புள்ளிகளுடன் 2ஆவது இடத்திலும் தொடருகிறார்கள். இந்திய தரப்பில் அதிகபட்சமாக புவனேஷ்வர் குமார் 10ஆவது இடம் வகிக்கிறார்.
Win Big, Make Your Cricket Tales Now
