டி20 உலகக்கோப்பை: இருமுறை சாம்பியனை வீழ்த்தி சூப்பர் 12-ல் நுழைந்தது அயர்லாந்து!

டி20 உலகக்கோப்பை: வெஸ்ட் இண்டீஸூக்கு எதிரான தகுதிச்சுற்று ஆட்டத்தில் அயர்லாந்து அணி 9 விக்கெட் வித்தியாசத்தில் வெற்றிபெற்று சூப்பர் 12 சுற்றுக்குள் நுழைந்தது.

T20 World Cup 2022: A comprehensive performance in Hobart sees them knocking West Indies out of the (Image Source: Google)

டி20 உலகக்கோப்பை தகுதிச்சுற்று போட்டியில் குரூப் பி பிரிவில் இன்று வெஸ்ட் இண்டீஸ் - அயர்லாந்து அணிகள் மோதி வருகின்றன. இந்த போட்டியில் டாஸ் வென்ற வெஸ்ட் இண்டீஸ் அணி முதலில் பேட்டிங்கை தேர்வு செய்தது.

இதையடுத்து வெஸ்ட் இண்டீஸ் அணியில் தொடக்க வீரராக களமிறங்கிய கைய்ல் மேயர் 1 ரன்னில் அவுட்டானார். மற்றொரு தொடக்க வீரரான ஜான்சன் சார்லஸ் 24 ரன்கள் எடுத்து ஆட்டமிழந்தார். மேலும் எவின் லிவிஸ் மற்றும் நிக்கோலஸ் பூரன் இருவரும் தலா 13 ரன்கள் எடுத்து விக்கெட்டை பறிகொடுத்தனர்.

சிறப்பாக விளையாடிய பிராண்டன் கிங் இறுதி வரை அவுட்டாகாமல் 48 பந்துகளில் 62 ரன்கள் எடுத்து அணிக்கு பலம் சேர்த்தார். ஓடின் ஸ்மித்தும் அவுட்டாகாமல் 19 ரன்களுடன் களத்தில் இருந்தார். இறுதியில் வெஸ்ட் இண்டீஸ் அணி 20 ஓவர்கள் முடிவில் 5 விக்கெட்டுகள் இழப்பிற்கு 146 ரன்கள் எடுத்தது. 

இதையடுத்து இலக்கை நோக்கி களமிறங்கிய அயர்லாந்து அணிக்கு பால் ஸ்டிர்லிங் - ஆண்டி பால்பிர்னி இணை அபாரமான ஆட்டத்தை வெளிப்படுத்தி அணியிக்கு சிறப்பான அடித்தளத்தை அமைத்துக்கொடுத்தனர். 

இதில் தொடர்ந்து சிறப்பாக விளையாடிய பால் டிர்லிங் அரைசதம் அடிக்க, மறுமுனையில் அரைசதம் அடிப்பார் என எதிர்பார்க்கப்பட்ட ஆண்டி பால்பிர்னி 37 ரன்களில் ஆட்டமிழந்து பெவிலியனுக்கு நடையைக் கட்டினார். 

இதனையடுத்து களமிறங்கிய லோர்கன் டக்கரும் பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்த, அயர்லாந்து அணியும் வெற்றியை நோக்கி சென்றனர். 

இதன்மூலம் 17.3 ஓவர்களில் அயர்லாந்து அணி இலக்கை எட்டி, 9 விக்கெட் வித்தியாசத்தில் வெஸ்ட் இண்டீஸை வீழ்த்தி சூப்பர் 12 சுற்றுக்கு தகுதிபெற்றது. இதில் இறுதிவரை ஆட்டமிழக்காமல் பால் ஸ்டிர்லிங் 66 ரன்களையும், லோர்கன் டக்கர் 45 ரன்களையும் சேர்த்தனர். 

அதேசமயம் மறுமுனையில் இருமுறை உலகக்கோப்பையை வென்ற ஒரே அணி என்ற பெருமையைப் பெற்றிருந்த வெஸ்ட் இண்டீஸ் அணி, நடப்பாண்டு டி20 உலகக்கோப்பை தொடரின் சூப்பர் 12 சுற்றுக்கு கூட தகுதி பெறாமல் தொடரிலிருந்து வெளியேறியது. 

Win Big, Make Your Cricket Tales Now