ஆஃப்கானிஸ்தான் மிகவும் வலுவான அணியாகும் - கேன் வில்லியம்சன்!
ஆஃப்கானிஸ்தான் அணி ஒவ்வொரு ஆண்டும் வளர்ந்து வளர்ந்து வரும் ஒரு அணியாகும் என நியூசிலாந்து அணி கேப்டன் கேன் வில்லியம்சன் தெரிவித்துள்ளார்.
அமெரிக்கா மற்றும் வெஸ்ட் இண்டீஸில் நடைபெற்றுவரும் 9ஆவது ஐசிசி டி20 உலகக்கோப்பை கிரிக்கெட் தொடரானது நாளுக்கு நாள் ரசிகர்களின் எதிர்பார்ப்புகளை அதிகரித்து வருகின்றன. இத்தொடரில் நாளை நடைபெறும் 14ஆவது லீக் ஆட்டத்தில் கேன் வில்லியம்சன் தலைமையிலான நியூசிலாந்து அணியை எதிர்த்து ரஷித் கான் தலைமையிலான ஆஃப்கானிஸ்தான் அணியானது பலப்பரீட்சை நடத்தவுள்ளது.
நடப்பு டி20 உலகக்கோப்பை தொடரில் ஆஃப்கானிஸ்தான் அணி விளையாடிய முதல் போட்டியிலேயே அபாரமான வெற்றியைப் பதிவுசெய்து அசத்திய உத்வேகத்துடன் இப்போட்டியை எதிர்கொள்கிறது. மறுபக்கம் நியூசிலாந்து அணி நடப்பு உலகக்கோப்பை தொடரில் முதல் போட்டியை விளையாடவுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளது.
Trending
இந்நிலையில் இப்போட்டிக்கு முன்னதாக செய்தியாளர்களிடம் பேசிய நியூசிலாந்து அணி கேப்டன் கேன் வில்லியம்சன், “ஆஃப்கானிஸ்தான் அணி ஒவ்வொரு ஆண்டும் வளர்ந்து வளர்ந்து வரும் ஒரு அணியாகும். மேலும் அந்த அணியில் உள்ள சில வீரர்கள் உலகம் முழுவதும் டி20 கிரிக்கெட்டில் விளையாடி தங்கள் திறனை வெளிப்படுத்தி வருவதுடன், உலகின் பல்வேறு வீரர்களின் திறன்கள் குறித்தும் நன்கு அறிந்திருக்கிறார்கள்.
மேலும் அந்த அணியில் எப்போதும் வலுவான சுழல் பந்துவீச்சாளர்களை கொண்டுள்ளனர். ஆனால் இப்போது அவர்கள் வைத்திருக்கும் சீமர்கள் மற்றும் பேட்டிங்கிலும் மிகவும் சமநிலையான பக்கமாக உள்ளனர். எனவே, நன்றாக விளையாடி வெற்றிகளை குவித்து வரும் அணிக்கு எதிராக ஒரு கடினமான சாவல் நின்றைய போட்டியாக இது இருக்கும் என்று நினைக்கிறேன். எங்களைப் பொறுத்தவரை, இந்த தொடர் முழுவதும் பலமான அணிகள் இருப்பதை நாங்கள் அறிவோம்.
அதனால் இத்தொடருக்காக நாங்கள் கடுமையாக பயிற்சி செய்துவருகிறோம். நாங்கள் முக்கியமாக பகலில் பயிற்சி செய்து வருகிறோம், மேலும் நிலைமைகளின் அடிப்படையில் பகல் மற்றும் இரவு நேரங்களில் சில பெரிய வேறுபாடுகள் உள்ளன. ஆனால் விளையாடிய ஒன்றிரண்டு போட்டிகளிலிருந்து, இப்போட்டி நடைபெறும் மைதானம் ஒரு நல்ல விக்கெட்டாக தோன்றுகிறது. பந்துவீச்சாளர்களுக்கு எவ்வளவு சாதகமாக உள்ளதோ அதே அளவு பேட்டர்களாலும் இங்கு சிறப்பாக செயல்பட முடியும்.
எனவே, நாங்கள் இப்போட்டியில் நன்றாக ஆரம்பித்து முழுவதுமாக கட்டமைக்க முயற்சிக்கிறோம். மேலும் நாங்கள் நன்றாக விளையாடினால், எந்தப் போட்டியிலும் எங்களால் இயன்றவரை வெற்றியைப் பெறுவதற்கான சிறந்த வாய்ப்பு இருக்கிறது என்பதை அறிவோம். எனவே, எங்களின் முதல் ஆட்டத்தை நாளை எதிர்நோக்குகிறோம். ஆஃப்கானிஸ்தான் மிகவும் வலுவான அணியாகும்” என்று தெரிவித்துள்ளார்.
நியூசிலாந்து அணி: கேன் வில்லியம்சன் (கே), ஃபின் ஆலன், டிரெண்ட் போல்ட், மைக்கேல் பிரேஸ்வெல், மார்க் சாப்மேன், டெவான் கான்வே, லோக்கி ஃபெர்குசன், மேட் ஹென்றி, டேரில் மிட்செல், ஜிம்மி நீஷம், க்ளென் பிலிப்ஸ், ரச்சின் ரவீந்திரா, மிட்செல் சான்ட்னர், இஷ் சோதி, டிம் சவுத்தி.
ரீஸர்வ் வீரர்கள்: பென் சியர்ஸ்
Win Big, Make Your Cricket Tales Now
