WI vs IND: இந்திய டி20 அணி அறிவிப்பு; ஜெஸ்வால், திலக் வர்மாவுக்கு வாய்ப்பு!
வெஸ்ட் இண்டீஸ் அணிக்கெதிரான டி20 தொடரில் விளையாடும் ஹர்திக் பாண்டியா தலைமையிலான இந்திய அணி இன்று அறிவிக்கப்பட்டுள்ளது.
இந்தியா அணி வீரர்கள் சமீபத்தில் ஐபிஎல் 16ஆவது சீசனில் விளையாடிவிட்டு, அப்படியே டெஸ்ட் சாம்பியன்ஷிப் பைனலில் விளையாடினார்கள். இதில், 209 ரன்கள் வித்தியாசத்தில் தோற்று, கோப்பையை தவறவிட்டார்கள்.வ்இதனைத் தொடர்ந்து இந்திய அணி, ஆப்கானிஸ்தான் சென்று ஒருநாள் தொடரில் பங்கேற்கும் என அறிவிக்கப்பட்டிருந்த நிலையில், ஓய்வுக்காக இத்தொடர் ஒத்திவைக்கப்பட்டுள்ளது.
இதனால், இந்திய அணி வீரர்களுக்கு கிட்டதட்ட ஒரு மாதம் ஓய்வு கிடைத்துள்ளது. ஜூன் 12 முதல் ஜூலை 11 வரை இந்திய வீரர்கள் கிரிக்கெட் விளையாட மாட்டார்கள். இந்நிலையில் வெஸ்ட் இண்டீஸ் அணிக்கெதிரான டெஸ்ட், ஒருநாள் தொடருக்கான இந்திய அணி ஏற்கனவே அறிவிக்கப்பட்டுவிட்டது. ஆனால், டி20 தொடருக்கான இந்திய அணி அறிவிக்கப்படாமல் இருந்தது.
Trending
இந்நிலையில், டி20 தொடருக்கான இந்திய அணி தற்போது அறிவிக்கப்பட்டுள்ளது. இந்த அணியில் சீனியர்களுக்கு இடம் வழங்கப்படவில்லை. கேப்டனாக ஹார்திக் பாண்டியா இடம்பெற்றுள்ளார். துணைக் கேப்டனாக சூர்யகுமார் யாதவ் இருக்கிறார்.
அதேசமயம் ராஜஸ்தான் ராயல்ஸ் அணிக்காக விளையாடிய யஷஸ்வி ஜெய்ஸ்வால்,மும்பை இந்தியன்ஸ் அணியை சேர்ந்த இளம் பேட்டர் திலக் வர்மா, டெல்லி கேபிடல்ஸ் பௌலர் முகேஷ் குமார் ஆகியோருக்கு இந்திய அணியில் வாய்ப்பு வழங்கப்பட்டுள்ளது. மேலும் சஞ்சு சாம்சனும் இந்திய டி20 அணியில் சேர்க்கப்பட்டுள்ளார்.
அதேசமயம் பெரிதும் எதிர்பார்க்கப்பட்ட ருதுராஜ் கெய்க்வாட், ரிங்கு சிங், ஜித்தேஷ் சர்மா ஆகியோருக்கு வாய்ப்பு வழங்கப்படாதது ரசிகர்கள் மத்தியில் அதிருப்தியை ஏற்படுத்தியுள்ளது.
இந்திய டி20 அணி: ஹார்திக் பாண்டியா (கேப்டன்), ஷுப்மன் கில், யாஷஸ்வி ஜெய்ஷ்வால், திலக் வர்மா, சூர்யகுமார் யாதவ், சஞ்சு சாம்சன், அக்சர் படேல், யுஜ்வேந்திர சஹல், குல்தீப் யாதவ், ரவி பிஷ்னோய், அர்ஷ்தீப் சிங், உம்ரான் மாலிக், ஆவேஷ் கான், முகேஷ் குமார்.
Win Big, Make Your Cricket Tales Now
