இந்திய அணிக்கு ஒரு வலுவான கேப்டன் தேவை - முகமது ஷமி!

அணித் தலைவர் பொறுப்பை ஏற்றுக் கொள்வதுடன் தனி செயல் திறனிலும் அதிகம் கவனம் செலுத்துவது தான் கேப்டனின் பொறுப்பாகும் என்று முகமது ஷமி குறிப்பிட்டுள்ளார்.

தென்ஆப்பிரிக்க அணியிடம் 2-1 என்ற கணக்கில் இந்திய டெஸ்ட் அணி தோல்வி அடைந்த நிலையில், கேப்டன் பொறுப்பில் இருந்து விராட் கோலி விலகியுள்ளார். இந்நிலையில் அடுத்த இந்திய டெஸ்ட் அணி கேப்டன் குறித்த எதிர்பார்ப்பு அதிகரித்துள்ளது. 

இந்நிலையில் புதிய கேப்டன் குறித்து பேசிய இந்திய வேகப்பந்து வீச்சாளர் முகமது ஷமி, “நிச்சயமாக, அணிக்கு (டெஸ்ட் கிரிக்கெட்) ஒரு தலைவர் தேவை. எங்கள் முதல் தொடர் (புதிய கேப்டனின் கீழ்) சொந்த மண்ணில் (அடுத்த மாதம் இலங்கைக்கு எதிராக) நடைபெறுவது நல்லது. 

எனவே நிலைமைகளை நன்கு அறிந்திருப்பது ஒருவித நிம்மதியைத் தருகிறது.  ஆனால் நீங்கள் என்னைக் கேட்டால், நான் எப்படி விளையாடுகிறேன் மற்றும் ஒட்டுமொத்தமாக பந்துவீச்சு எவ்வாறு செயல்படுகிறது என்பதில் நான் அதிக கவனம் செலுத்துவேன். 

கேப்டன் பதவியை யார் எடுப்பது என்பது பற்றி நான் சிந்திக்கவில்லை. எங்களிடம் ரோஹித் , ரஹானே உள்ளனர்.  எல்லாம் நல்லதாக இருந்தாலும் முக்கியமானது போட்டி முடிவுதான். தங்கள் செயல்திறனில் அதிக கவனம் செலுத்துவதும், பெரிய பொறுப்பை ஏற்றுக்கொள்வதும் தனி நபர் பொறுப்பாகும். அது நாம் எதிர்பார்க்கும் முடிவுகளுக்கு வழிவகுக்கும்” என்று தெரிவித்தார்.

Win Big, Make Your Cricket Tales Now