மாஸ்டர்ஸ் லீக் 2025: வீண்டீஸை வீழ்த்தி சாம்பியன் பட்டத்தை வென்றது இந்தியா!
வெஸ்ட் இண்டீஸ் மாஸ்டர்ஸுக்கு எதிரான இறுதிப்போட்டியில் இந்தியா மாஸ்டர்ஸ் அணி 6 விக்கெட் வித்தியாசத்தில் வெற்றிபெற்று, சாம்பியன் பட்டத்தை வென்றது.
பின்னர் டுவைன் ஸ்மித்துடன் இணைந்த லிண்டல் சிம்மன்ஸ் அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தும் முயற்சியில் இறங்கினர். இதில் அரைசதம் அடிப்பார் என்று எதிர்பார்க்கப்பட்ட டுவைன் ஸ்மித் 6 பவுண்டரி, 2 சிக்ஸர்கள் என 45 ரன்களில் விக்கெட்டை இழக்க, மறுபக்கம் அரைசதம் கடந்து அசத்திய சிம்மன்ஸும் 57 ரன்களை மாட்டுமே எடுத்த கையோடு ஆட்டமிழந்தார். பின்னர் களமிறங்கியா வீரர்களும் அடுத்தடுத்து விக்கெட்டுகளை இழக்க, அந்த அணி 20 ஓவர்கள் முடிவில் 7 விக்கெட்டுகளை இழந்து 147 ரன்களை மட்டுமே எடுத்தது.
இந்தியா மாஸ்டர்ஸ் அணி தரப்பில் வினய் குமார் 3 விக்கெட்டுகளையும், ஷபாஸ் நதீம் 2 விக்கெட்டுகளையும் கைப்பற்றின. அதன்பின் இலக்கை நோக்கி விளையாடிய இந்தியா மாஸ்டர்ஸ் அணிக்கு அம்பத்தி ராயுடு மற்றும் சச்சின் டெண்டுல்கர் இணை தொடக்கம் கொடுத்தனர். இதில் இருவரும் சிறப்பான ஆட்டத்தை வெளிப்படுத்தியதுடன் முதல் விக்கெட்டிற்கு 67 ரன்கள் பார்ட்னர்ஷிப் அமைத்து அணிக்கு தேவையான அடித்தளத்தை அமைத்துக் கொடுத்தனர். பின்னர் 2 பவுண்டரி, ஒரு சிக்ஸருடன் 25 ரன்களை எடுத்திருந்த சச்சின் டெண்டுல்கர் தனது விக்கெட்டை இழந்தார்.
அவரைத்தொடர்ந்து களமிறங்கிய குர்கீரத் மான் சிங்கும் 14 ரன்களில் விக்கெட்டை இழக்க, மறுபக்கம் அதிரடியான ஆட்டத்தை வெளிப்படுத்தி அரைசதம் கடந்து அசத்திய அம்பத்தி ராயுடு 9 பவுண்டரி, 3 சிக்ஸர்கள் என 74 ரன்களைச் சேர்த்து தனது விக்கெட்டினை இழந்தார். அவரைத்தொடர்ந்து களமிறங்கிய யூசுப் பதானும் ரன்கள் ஏதுமின்றி விக்கெட்டை இழக்க, இறுதிவரை ஆட்டமிழக்காமல் இருந்த யுவராஜ் சிங் 13 ரன்களையும், ஸ்டூவர்ட் பின்னி 16 ரன்களையும் சேர்த்து அணியை வெற்றியை நோக்கி அழைத்துச் சென்றனர்.
Also Read: Funding To Save Test Cricketஇதன்மூலம் இந்தியா மாஸ்டர்ஸ் அணி 17.1 ஓவர்களிலேயே இலக்கை எட்டியதுடன் 6 விக்கெட் வித்தியாசத்தில் வெஸ்ட் இண்டீஸ் மாஸ்டர்ஸை வீழ்த்தி வெற்றிபெற்றது. இந்த வெற்றியின் மூலம் இன்டர்நேஷ்னல் மாஸ்டர்ஸ் லீக் டி20 தொடரில் இந்திய மாஸ்டர்ஸ் அணி சாம்பியன் பட்டத்தையும் வென்று அசத்தியது. இப்போட்டியில் அரைசதம் கடந்து அணியின் வெற்றிக்கு உறுதுணையாக இருந்த அம்பத்தி ராயுடு ஆட்டநாயகன் விருதை வென்றார்.
Advertisement
Win Big, Make Your Cricket Tales Now
கிரிக்கெட்: Tamil Cricket News
