அடுத்தடுத்து அரைசதம் அடித்தும் வீண்; இந்திய அணியில் இருந்து ஒதுக்கப்படும் ஸ்ரேயாஸ் ஐயர்!
இந்திய அணியில் இருந்து ஸ்ரேயாஸ் ஐயர் நீக்கப்படவுள்ளதாக தகவல் வெளியாகியுள்ளது.
இந்த இரண்டு போட்டிகளிலும் தொடர்ச்சியாக அரைசதங்கள் அடித்து வெற்றிக்கு காரணமாக அமைந்தவர் ஸ்ரேயாஸ் ஐயர். ஆனால் இவருக்கு வெஸ்ட் இண்டீஸுடன் அடுத்ததாக வரவுள்ள 5 டி20 போட்டிகள் கொண்ட டி20 தொடரில் வாய்ப்பு தரப்பட மாட்டாது என்பது போல தெரிகிறது. நல்ல ஃபார்மில் இருக்கும் போதும் அவர் ஒதுக்கப்படுவதற்கு காரணம் தீபக் ஹுடா தான்.
Trending
டாப் ஆர்டரில் களமிறங்கும் ஸ்ரேயாஸ் ஐயர் வேகப்பந்துவீச்சாளர்களுக்கு எதிராக மோசமாக திணறுகிறார். குறிப்பாக பவுன்சர்களை எப்படி சமாளிப்பது எனத் தெரியாமல் அவுட்டானார். சமீபத்தில் நடைபெற்ற இங்கிலாந்து தொடரில் பவுன்சர் தான் வீசப்போகிறார்கள் எனத் தெரிந்தும், அதனை விளையாட முடியாமல் தொடர்ச்சியாக விக்கெட்டானார். வெஸ்ட் இண்டீஸ் தொடரில் 2 அரைசதங்களை அடித்த போதும், அது பெரும்பாலும், ஸ்பின்னர்களுக்கு எதிராக தான் அடித்தார். வேகப்பந்துவீச்சாளர்களின் பவுன்சர்களை அடிக்காமல் அப்படியே விட்டுவிட்டார்.
வேகப்பந்து வீச்சாளர்களுக்கு ( பவுன்சர்கள் ) ஏற்ற ஆஸ்திரேலிய களத்தில் டி20 உலகக்கோப்பை நடைபெறவிருப்பதால், அங்கு ஸ்ரேயாஸ் பந்தை தவறவிடாமல் ஆடியாக வேண்டும். அப்போது விக்கெட் போகும். எனவே ஸ்ரேயாஸை தனது திட்டத்தில் இருந்து டிராவிட் நீக்கியதாக தெரிகிறது. இதன் விளைவாக வெஸ்ட் இண்டீஸுடனான டி20 தொடரிலும் அவரை சேர்க்கமாட்டார்கள் எனத் தெரிகிறது.
ஸ்ரேயாஸ் ஐயருக்கு மாற்றாக தீபக் ஹூடா இனி வாய்ப்பு பெறவுள்ளார். டாப் ஆர்டர், மிடில் ஆர்டர் என இரண்டிலுமே சிறப்பாக விளையாடி வரும் தீபக் ஹூடா தற்போது நல்ல ஃபார்மில் இருக்கிறார். இதே போல டாப் ஆர்டரில் கூடுதலாக பவுலராகவும் அவர் உதவுவார் என்பதால் இனி அவருக்கு வாய்ப்பு கொடுக்க டிராவிட் திட்டமிட்டிருப்பதாக கூறப்படுகிறது.
Win Big, Make Your Cricket Tales Now
