டிஎன்பிஎல் 2021: திண்டுக்கல் டிராகன்ஸ் vs ரூபி திருச்சி வாரியர்ஸ்!
டிஎன்பிஎல் தொடரில் இன்று நடைபெறும் 11ஆவது லீக் ஆட்டத்தில் திண்டுக்கல் டிராகன்ஸ் - ரூபி திருச்சி வாரியர்ஸ் அணிகள் பலப்பரீட்சை நடத்துக்கின்றன.
தற்போது நடைபெற்று வரும் ஐந்தாவது சீசன் டிஎன்பிஎல் லீக் ஆட்டம் ரசிகர்களின் எதிர்பார்ப்புகளை நிறைவேற்றி வருகிறது. இந்நிலையில் இன்று நடைபெறும் 11ஆவது லீக் ஆட்டத்தில் திண்டுக்கல் டிராகன்ஸ் அணி, ரூபி திருச்சி வாரியர்ஸ் அணியை எதிர்கொள்கிறது.
நடப்பாண்டு டிஎன்பிஎல் சீசனில் ரூபி திருச்சி வாரியர்ஸ் அணி 3 போட்டிகளில் விளையாடி ஒரு தோல்வி, இரண்டு வெற்றி என புள்ளிப்பட்டியலில் முதலிடத்தைப் பிடித்துள்ளது.
Trending
அதிலும் அந்த அணியில் ஆதன் கான், ஆதித்யா ஆகியோர சிறப்பான ஃபார்மில் உள்ளதால் அவர்களில் பேட்டிங் வரிசை பலமாக உள்ளது. பந்துவீச்சில் பொறுத்தவரை சர்வண் குமார், மதிவண்ணன் ஆகியோர் தொடர்ந்து சிறப்பாக செயல்படுவது எதிரணிக்கு நிச்சயம் தலைவலியை ஏற்படுத்தும்.
திண்டுக்கல் டிராகன்ஸ் அணி முதல் போட்டியில் படுதோல்வியைச் சந்தித்திருந்தாலும், கோவை அணிக்கெதிரான போட்டியில் 202 ரன்களை சேஸ் செய்து அசத்தலான வெற்றியைப் பெற்றது.
அதிலும் ஹரி நிஷாந்த், மணி பாரதி ஆகியோரது ஆட்டம் ரசிர்களின் எதிர்பார்ப்பை அதிகரித்து வருவது குறிப்பிடத்தக்கது. இருப்பினும் அந்த அணியின் பந்துவீச்சை பொறுத்த மட்டில் சில சிக்கல் உள்ளதாகவே பார்க்கப்படுகிறது.
திண்டுக்கல் டிராகன்ஸ்: கே விஷால் வைத்தியா, எஸ் அருண், அத்வைத் சர்மா, ஆர் சுதேஷ், எஸ் சுவாமிநாதன், எல் விக்னேஷ், ஆர் சீனிவாசன், ஆர்.எஸ்.மோகித் ஹரிஹரன், எஸ்.லோகேஷ்வர், சி ஹரி நிஷாந்த், சி அஸ்வின், எம்.எஸ்.சஞ்சய், வி லக்ஷ்மன், கே மணி பாரதி, ஏ.ஆர்.சிவா முருகன், குர்ஜப்னீத் சிங், ஆர் விமல் குமார், கிஷன் குமார் எஸ், விக்னேஷ்வரன் எஸ், ரவிச்சந்திரன் அஸ்வின், ஆர் விவேக், எம் சிலம்பரசன்.
ரூபி திருச்சி வாரியர்ஸ்: ராகுல், ஆகாஷ் சும்ரா, எம்.இ யாழ் அருண் மோழி, எஸ் அனிருதா, எம் பொய்யாமொழி, ரஹில் எஸ் ஷா, எஸ் சந்தோஷ் சிவ், ஆண்டனி தாஸ்,ஆதித்யா கணேஷ், நிதிஷ் எஸ் ராஜகோபால், ஆர் கணேஷ், சுமந்த் ஜெயின், முகமது அட்னான் கான், பி சரவணா குமார், அமித் சாத்விக், ஜி ஹேமந்த் குமார், கே முகுந்த், கார்த்திக் சண்முகம், மதிவனன், கார்த்திக் ஆர், முரளி விஜய்.
Win Big, Make Your Cricket Tales Now
Cricket Scorecard
