இந்திய அணியின் அடுத்த நான்காண்டுக்கான போட்டி அட்டவணை!

2023-27 ஆண்டுகளுக்கான ஆடவர் கிரிக்கெட் தொடர்களின் அட்டவணையை ஐசிசி இன்று வெளியிட்டுள்ளது.

Two sets of five-match Border-Gavaskar Trophy in ICC Men's FTP cycle of 2023-27 (Image Source: Google)

By Bharathi Kannan
Aug 17, 2022 • 03:51 PM

சர்வதேச கிரிக்கெட் கவுன்சில் ஆண்டு தோரும் ஒவ்வொரு நடுகளுக்கு இடையே நடத்தும் கிரிக்கெட் தொடர்களுக்கான அட்டவணையை வெளியிட்டு வரும். அதற்கேற்றது போல் தற்ப்போது அடுத்த 4 ஆண்டுகளுக்கான கிரிக்கெட் தொடர்களின் அட்டவணையை ஐசிசி வெளியிட்டுல்ளது.

By Bharathi Kannan
August 17, 2022 • 03:51 PM

இந்த நான்கு ஆண்டுகளிலும் ஐசிசியில் முழு உறுப்பினர்களாக உள்ள 12 நாடுகளும் மொத்தமாக 777 சர்வதேச போட்டிகளில் விளையாடுகின்றன. இதில் 173 டெஸ்டுகள், 281 ஒருநாள், 323 டி20 போட்டிகள் விளையாடவுள்ளன. முன்னதாக கடந்த 4 வருடங்களில் இந்த 12 நாடுகளும் 694 ஆட்டங்களில் விளையாடின.

இந்தியாவும் ஆஸ்திரேலியாவும் 1992க்குப் பிறகு முதல்முறையாக 5 போட்டிகளைக் கொண்ட இரு டெஸ்ட் தொடர்களில் விளையாடவுள்ளன. 2024-25-ல் இந்தியாவில் ஆஸ்திரேலிய அணி சுற்றுப்பயணத்தில் இரு அணிகளும் 5 டெஸ்டுகளில் விளையாடவுள்ளன. இங்கிலாந்து, ஆஸ்திரேலியா என இரு நாடுகளுக்கும் எதிராகவும் இந்தியா தலா 5 டெஸ்டுகள் கொண்ட டெஸ்ட் தொடர்களில் இனி விளையாடும்.

ஆஸ்திரேலியா, இங்கிலாந்து அணிகளுக்கு எதிராக இந்தியா விளையாடும் டெஸ்டுகள்

இந்தியாவில் 5 டெஸ்டுகள் vs இங்கிலாந்து - 2024 ஜனவரி
ஆஸ்திரேலியாவில் 5 டெஸ்டுகள் vs ஆஸ்திரேலியா - 2024 நவம்பர்
இங்கிலாந்தில் 5 டெஸ்டுகள் vs இங்கிலாந்து - 2025 ஜூன்
இந்தியாவில் 5 டெஸ்டுகள் vs ஆஸ்திரேலியா - 2027 ஜனவரி

ஐபிஎல், தி ஹண்ட்ரெட், பிபிஎல் ஆகிய டி20 லீக் போட்டிகளுக்காக ஏப்ரல், மே, ஆகஸ்ட், ஜனவரி மாதங்களில் மிகக்குறைவான சர்வதேச போட்டிகள் ஒதுக்கப்பட்டுள்ளன.

அதேபோல் 2023-25 டெஸ்ட் சாம்பியன்ஷிப் போட்டியில் இந்திய அணி சொந்த மண்ணில் நியூசிலாந்து, இங்கிலாந்து, வங்கதேச ஆகிய அணிகளுக்கு எதிராகவும், வெளிநாடுகளில் ஆஸ்திரேலியா, வெஸ்ட் இண்டீஸ் அணி, தென் ஆப்பிரிக்கா ஆகிய அணிகளுக்கு எதிராகவும் விளையாடவுள்ளது.

2025-27 டெஸ்ட் சாம்பியன்ஷிப் போட்டியில் இந்திய அணி சொந்த மண்ணில் ஆஸ்திரேலியா, வெஸ்ட் இண்டீஸ், தென் ஆப்பிரிக்கா ஆகிய அணிகளுக்கு எதிராகவும் வெளிநாடுகளில் நியூசிலாந்து, இங்கிலாந்து, இலங்கை ஆகிய அணிகளுக்கு எதிராகவும் விளையாடவுள்ளது.

இந்த நான்கு வருடங்களில் ஐசிசியின் 5 முக்கிய தொடர்கள் நடைபெறவுள்ளன. இதில் 2023இல் இந்தியாவில் ஒருநாள் உலகக் கோப்பை, 2024-ல் மேற்கிந்தியத் தீவுகள், அமெரிக்காவில் டி20 உலகக் கோப்பை, 2025இல் பாகிஸ்தானில் சாம்பியன்ஸ் கோப்பை, 2026இல் இந்தியா, இலங்கையில் டி20 உலகக் கோப்பை, 2027இல் தென் ஆப்பிரிக்கா, ஜிம்பாப்வே, நமிபியாவில் ஒருநாள் உலகக் கோப்பை என ரசிகர்களை மகிழ்விக்க முக்கியமான ஐசிசி தொடர்கள் ஒவ்வொரு வருடமும் நடைபெறவுள்ளன.

2024-27 இந்தியா விளையாடும் டி20 ஆட்டங்கள்