கோலிக்கு பேட்டிங் பயிற்சியளித்த டிராவிட்!

இந்திய டெஸ்ட் அணி கேப்டன் விராட் கோலிக்கு பயிற்சியாளர் ராகுல் டிராவிட் பேட்டிங் குறித்து ஆலோசனைகளை வழங்கிய காணொளி இணையத்தில் வைரலாகியுள்ளது.

இந்திய அணி மூன்று போட்டிகள் கொண்ட டெஸ்ட் மற்றும் ஒருநாள் தொடரில் விளையாடுவதற்காக தென் ஆப்பிரிக்காவில் சுற்றுப்பயணம் மேற்கொண்டுள்ளது. 

இத்தொடருக்கான இந்திய டெஸ்ட் அணி தென் ஆப்பிரிக்கா சென்றடைந்து பயிற்சியில் ஈடுபட்டு வருகிறது. இந்நிலையில் இந்திய டெஸ்ட் அணியின் கேப்டன் விராட் கோலி கடந்த சில ஆண்டுகளாக ரன் சேர்க்க முடியாமல் தவித்து வருகிறார். 

மேலும் இதன் காரணமாகவே அவர் இந்திய டி20 மற்றும் ஒருநாள் அணியின் கேப்டன் பொறுப்பிலிருந்தும் நீக்கப்பட்டுள்ளார். இதனால் இந்த தொடரில் அவர் தனது அதிரடியான ஆட்டத்தை நிருபிக்க வேண்டிய கட்டாயத்திற்கு தள்ளப்பட்டுள்ளார்.

 

Getting Test-match ready

Snippets from #TeamIndia's first practice session ahead of the first #SAvIND Test. pic.twitter.com/QkrdgqP959

— BCCI (@BCCI) December 19, 2021

இந்நிலையில் இந்திய அணியின் புதிய தலைமை பயிற்சியாளராக நியமிக்கப்பட்டுள்ள ராகுல் டிராவிட், இன்றைய தினம் விராட் கோலிக்கு பேட்டிங் குறித்த சில ஆலோசனைகளை வழங்கியுள்ளார்.

இப்புகைப்படங்களை பிசிசிஐ தங்களது ட்விட்டர் பக்கத்தில் வெளியிட்டுள்ளது. தற்போது அப்புகைப்படங்கள் சமூக வலைதளங்களில் வைரலாகி வருகிறது.

Win Big, Make Your Cricket Tales Now