‘கோலி vs ரோஹித்’ இருவரும் ஒரு விஷயத்தில் ஒரேமாதிரி தான் - யுஸ்வேந்திர சஹால்!
இந்திய அணியில் கோலி-க்கும் ரோகித்-க்கும் இடையே இருக்கும் வித்தியாசங்கள் அணியில் எவ்வளவு தாக்கத்தை ஏற்படுத்தும் என்பது குறித்து சுழற்பந்துவீச்சாளர் யுஸ்வேந்திர சஹால் பகிர்ந்துள்ளார்.
இந்தியா சமீபத்தில் பங்கேற்ற டி20 உலகக்கோப்பை போட்டியில் அணியில் இடம் பெறாமல் போன யுவேந்திர சாஹல் தற்போது மீண்டும் நியூசிலாந்துக்கு எதிரான டி20 போட்டிக்கான அணியின் இடம் பெற்றுள்ளார். இந்திய அணி புது கேப்டன் ரோகித் சர்மா மற்றும் புதிய பயிற்சியாளர் ராகுல் டிராவிட் தலைமையில் முதல் போட்டியை சந்திக்க உள்ளது.
இரு அணிகளுக்கும் இடையேயான முதல் டி20 போட்டி நாளை ஜெய்ப்பூரில் தொடங்குகிறது. இந்நிலையில் இந்திய அணியில் கோலிக்கும், ரோஹித்திற்கும் இடையே இருக்கும் வித்தியாசங்கள் குறித்து யுஸ்வேந்திர சஹால் தெரிவித்துள்ளார்.
Trending
சாஹல் கூறுகையில், “விராட் கோலிக்கும், ரோகித் சர்மாவுக்கும் கேப்டன் பொறுப்பைப் பொறுத்தவரையில் பெரிய வித்தியாசம் எதுவும் கிடையாது. இரண்டு பேரும் சிறந்த கேப்டன்கள். கேப்டன்களாக இருவருக்கும் எந்த பெரிய வித்தியாசமும் இல்லாததால் அணியில் பெரிதாக மாற்றங்கள் எதுவும் தெரியாது.
எனக்கு ரோஹித் சர்மாவை நீண்ட நாட்களாகத் தெரியும். அவருடன் பல சீரிஸ்களில் விளையாடி இருக்கிறேன். என்னுடைய ஐபிஎல் பயணத்தை நான் மும்பை இந்தியன்ஸ் அணியில் இருந்து தான் தொடங்கினேன்.
Also Read: T20 World Cup 2021
அப்போது இருந்தே ரோஹித் சர்மா ஒரு கேப்டன் ஆக பார்த்துவிட்டேன். இதனால், எனக்கு அவர் தலைமையின் கீழ் விளையாடுவதில் பெரிதாக மாற்றம் தெரியாது. கோலி உடன் எந்தளவுக்கு நெருக்கமாக இருக்கிறோனோ அதே அளவு ரோஹித் உடனும் நெருக்கமாகவே இருந்திருக்கிறேன். இவருக்கும் உள்ளே இருக்கும் சிறப்பான, ஒரே மாதிரியான குணம் என்னவென்றால் இருவருமே இளைஞர்களை அதிகப்படியாக ஊக்குவிப்பார்கள். இருவருமே அதிக சுதந்திரம் தருவார்கள். இதுதான் இவர்கள் இருவரிடமும் எனக்கு மிகவும் பிடித்த விஷயம்” என்று தெரிவித்தார்.
Win Big, Make Your Cricket Tales Now
