சஜித் கானிற்கு பதிலடி கொடுத்த ஜொமல் வாரிகன் - வைரலாகும் காணொளி!

வெஸ்ட் இண்டீஸ் அணி சுழற்பந்து வீச்சாளர் ஜொமல் வாரிகன் பாகிஸ்தானின் சஜித் கான் விக்கெட்டை கைப்பற்றியதை கொண்டாடிய காணொளி இணையாத்தில் வைரலாகி வருகிறது.

சஜித் கானிற்கு பதிலடி கொடுத்த ஜொமல் வாரிகன் - வைரலாகும் காணொளி! (Image Source: Google)

பாகிஸ்தான் - வெஸ்ட் இண்டீஸ் அணிகளுக்கு இடையேயான இரண்டாவது மற்றும் கடைசி டெஸ்ட் போட்டி முல்தானில் நடைபெற்றது. இப்போட்டியில் டாஸ் வென்று முதலில் பேட்டிங் செய்த வெஸ்ட் இண்டீஸ் முதல் இன்னிங்சில் 163 ரன்களுக்கு ஆல் அவுட் ஆனது. இதில் அதிகபட்சமாக குடகேஷ் மோட்டி 55 ரன்களையும், வாரிகன் 36 ரன்களையும் சேர்த்தனர். பாகிஸ்தான் சார்பில் நோமன் அலி 6 விக்கெட்டும், சஜித் கான் 2 விக்கெட்டும் வீழ்த்தினர்.

இதையடுத்து முதல் இன்னிங்ஸைத் தொடங்கிய பாகிஸ்தான் அணியானது வெஸ்ட் இண்டீஸின் பந்துவீச்சுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்தார். இதனால் அந்த அணி முதல் இன்னிங்சில் 154 ரன்களுக்கு ஆல் அவுட்டானது. அந்த அணியில் அதிகபட்சமாக முகாது ரிஸ்வான் 49 ரன்னும், சௌத் ஷகீல் 32 ரன்னும் எடுத்தனர். வெஸ்ட் இண்டீஸ் சார்பில் ஜொமல் வாரிகன் 4 விக்கெட்டும், குடகேஷ் மோட்டி 3 விக்கெட்டும், கீமர் ரோச் 2 விக்கெட்டும் வீழ்த்தினர்.

பின்னர் 9 ரன்கள் முன்னிலையுடன் இரண்டாவது இன்னிங்ஸைத் தொடர்ந்த வெஸ்ட் இண்டீஸ் அணியில் கேப்டன் பிராத்வைத் அரைசதம் கடந்ததுடன் 52 ரன்களை சேர்த்ததை தவிர்த்து மற்ற வீரர்கள் சோபிக்க தவறியதன் காரணமாக, இரண்டாவது இன்னிங்ஸில் 244 ரன்களை மட்டுமே எடுத்து ஆல் அவுட்டானது. பாகிஸ்தான் சார்பில் சஜித் கான், நோமன் அலி தலா 4 விக்கெட் வீழ்த்தினர். இதன்மூலம் பாகிஸ்தான் அணிக்கும் 254 ரன்களை வெஸ்ட் இண்டீஸ் அணி இலக்காக நிர்ணயித்தது. 

அதன்பின் இலக்கை நோக்கி விளையாடிய பாகிஸ்தான் அணி வீரர்கள் மீண்டும் வெஸ்ட் இண்டீஸின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்து தடுமாறினர். இதனால் அந்த அணி இரண்டாவது இன்னிங்ஸில் வெறும் 133 ரன்களை மட்டுமே எடுத்து ஆல் அவுட்டானது. வெஸ்ட் இண்டீஸ் தரப்பில் ஜொமல் வாரிக்கன் 5 விக்கெட்டுகளை வீழ்த்தினர். இதன்மூலம் வெஸ்ட் இண்டீஸ் அணி 120 ரன்கள் வித்தியாசத்தில் பாகிஸ்தானை வீழ்த்தி தொடரையும் சமன்செய்துள்ளது. 

What even ??? pic.twitter.com/uytkqCtcQs

— mitch marsh hatebot. (@Lexbeforewicket) January 27, 2025

இந்நிலையில் இப்போட்டியில் வெஸ்ட் இண்டீஸ் அணி வீரர் ஜொமல் வாரிகன் பாகிஸ்தானின் சஜித் கான் விக்கெட்டை வீழ்த்திய பிறகு கொண்டாடிய விதம் ரசிகர்களில் கவனத்தை ஈர்த்துள்ளது. அந்தவகையில் இன்னிங்ஸின் 44ஆவது ஓவரை ஜொமல் வாரிகன் வீசிய நிலையில், அந்த ஓவரின் கடைசி பந்தில் சஜித் கானின் விக்கெட்டை கைப்பற்றியதுடன், தனது 5ஆவது விக்கெட்டையும் பதிவுசெய்து அசத்தினார். 

Sajid Khan to Warrican #PAKvWI | #RedBallRumble pic.twitter.com/r1RX5XUAxy

— Pakistan Cricket (@TheRealPCB) January 26, 2025

இதனைக் கொண்டாடும் விதமாக வாரிக்கன் மகிழ்ச்சியில் துள்ளிக் குதித்து சஜித் கானின் முன் சென்று WWE நட்சத்திரம் ஜான் சீனாவின் பாணியில் கொண்டாடினார். முன்னதாக இப்போட்டியில் சஜித் கான் விக்கெட்டை கைப்பற்றிய போது இதே கொண்டாடத்தை வெஸ்ட் இண்டீவ் வீரர்களை நோக்கி கொண்டாடி இருந்தார். இந்நிலையில் அதற்கு பதிலடி கொடுக்கும் விதமாக ஜொமல் வாரிகனின் இந்த கொண்டாட்டம் குறித்த காணொளியானது இணையத்தில் வைரலாகி வருகிறது.