வாட்டர் பாயாக மாறிய விராட் கோலி; வைரலாகும் காணொளி!

வங்கதேச அணிக்கெதிரான ஆசிய கோப்பை போட்டியின் போது இந்திய அணியின் நட்சத்திர வீரர் விராட் கோலி வாட்டர் பாயாக மைதானத்திற்குள் வந்த காணொளி இணையத்தில் வைரலாகி வருகிறது.

வாட்டர் பாயாக மாறிய விராட் கோலி; வைரலாகும் காணொளி!  (Image Source: Google)

ஆசியக்கோப்பை தொடரின் சூப்பர் 4 சுற்று ஆட்டத்தில் இந்தியா - வங்கதேசம் அணிகள் பலப்பரீட்சை நடத்திவருகின்றன. இந்திய அணி இரண்டாவது சுற்றில் தனது இரண்டாவது போட்டியில் இலங்கை அணியை வென்று, இறுதிப் போட்டிக்கான தகுதியைப் பெற்றுவிட்டது. அதேசமயத்தில் வங்கதேச அணி இறுதிப் போட்டிக்கான வாய்ப்பை இழந்து விட்டது. எனவே இன்றைய போட்டி ஆசியக் கோப்பை தொடரில் எந்த தாக்கத்தையும் ஏற்படுத்தாது.

இந்த காரணத்தினால் இன்றைய இந்திய அணியில் 5 அதிரடி மாற்றங்கள் செய்யப்பட்டு இருந்தது. விராட் கோலி, ஹர்திக் பாண்டியா, பும்ரா, சிராஜ், குல்தீப் யாதவ் என ஐந்து வீரர்களுக்கு ஓய்வு கொடுக்கப்பட்டிருக்கிறது. ஓய்வு கொடுக்கப்பட்ட இந்த ஐந்து வீரர்களுக்கு பதிலாக ஷர்துல் தாகூர், பிரஷித் கிருஷ்ணா, முகமது ஷமி, சூர்யகுமார் ஆகியோர் இடம் பெற, திலக் வர்மா முதல்முறையாக இந்திய ஒரு நாள் கிரிக்கெட்டில் விளையாடும் வாய்ப்பு பெற்று அறிமுகம் ஆனார்.

மேலும் இன்றைய போட்டியில் டாஸ் வென்ற இந்திய கேப்டன் ரோஹித் சர்மா முதலில் பந்துவீச்சை தேர்ந்தெடுத்தார். மேலும் இந்த போட்டியில் விராட் கோலிக்கு நிச்சயம் ஓய்வு தரப்படாது என்று பல முன்னாள் வீரர்களும் கூறி வந்தார்கள். ஏனென்றால் அவருடைய உடல் தகுதிக்கு ஓய்வு தேவைப்படாது, அவர் தொடர்ச்சியாக விளையாடிக் கொண்டிருப்பது அணிக்கு நல்லது என்று கூறப்பட்டது.

இதையடுத்து களமிறங்கிய வங்கதேச அணியானது ஷாகிப் அல் ஹசன், தாஹித் ஹிரிடோய் ஆகியோரது அபாரமான ஆட்டம் காரணமாக 50 ஓவர்கள் முடிவில் 8 விக்கெட்டுகளை இழந்து 265 ரன்களைச் சேர்த்தது. இதில் அதிகபட்சமாக ஷாகிப் அல் ஹசன் 80 ரன்களையும், தாஹித் ஹிரிடோய் 54 ரன்களௌயும் சேர்த்தனர். இந்திய அணி தரப்பில் ஷர்துல் தாக்கூர் 3 விக்கெட்டுகளை கைப்பற்றினார். 

 

On the field or off the field, can't get our eyes off this guy #INDvBAN live now only on #DisneyPlusHotstar, free on the mobile app.#FreeMeinDekhteJaao #AsiaCup2023 #AsiaCupOnHotstar #Cricket pic.twitter.com/emqbnrl6Vp

— Disney+ Hotstar (@DisneyPlusHS) September 15, 2023

இன்ரைய போட்டியில் விராட் கோலிக்கு ஓய்வு அளிக்கப்பட்டாலும் வீரர்களுக்கு தண்ணீர் கொண்டு வரும் வேலையைச் செய்யும் பொறுப்பை எடுத்திருக்கிறார். மேலும் இதன் மூலம் அவர் மாற்று வீரராக உள்ளே வந்து பீல்டிங் செய்யவும் முடியும். இப்படி வீரர்களுக்கு தண்ணீர் கொண்டு வரும் பொழுது, விராட் கோலி ஓடி வந்தது சிரிப்பை வரவழைப்பதாக இருந்தது. தற்பொழுது இதற்கான காணொளி சமூக வலைதளத்தில் வைரலாகி வருகிறது.

Win Big, Make Your Cricket Tales Now