West Indies dealt another blow on road to India 2023 (Image Source: Google)
2023 ஒருநாள் உலகக் கோப்பைப் போட்டி இந்தியாவில் நடைபெறவுள்ளது. இத்தொடருக்கு வெஸ்ட் இண்டீஸ் அணி நேரடியாகத் தகுதி பெறும் வாய்ப்பைக் கிட்டத்தட்ட இழந்துள்ளது என்றே கூறலாம்.
ஏனெனில் நியூசிலாந்து அணி சமீபத்தில் வெஸ்ட் இண்டீஸுக்கு எதிராக 3ஆவது ஒருநாள் ஆட்டத்தை வென்றதுடன் ஒருநாள் தொடரையும் சமீபத்தில் கைப்பற்றியது. இந்தத் தோல்வியால் வெஸ்ட் இண்டீஸ் அணிக்கு மிகப்பெரும் நெருக்கடி ஏற்பட்டுள்ளது.
ஒருநாள் போட்டியின் சூப்பர் லீக் புள்ளிகள் பட்டியலில் உலகக் கோப்பைப் போட்டியை நடத்தும் இந்தியா உள்பட 8 நாடுகள் மட்டுமே நேரடியாகத் தகுதி பெறும். சூப்பர் லீக் சுற்றில் மீதமுள்ள 5 அணிகள் தகுதிச்சுற்றில் விளையாடினால் மட்டுமே உலகக் கோப்பைப் போட்டிக்குத் தகுதி பெறும் வாய்ப்பு கிடைக்கும். தகுதிச்சுற்றில் இந்த 5 அணிகள் உள்பட 10 அணிகள் பங்கேற்கும்.
