WI vs IND: வெஸ்ட் இண்டீஸ் டி20 அணி அறிவிப்பு; அதிரடி வீரருக்கு இடம்! (Image Source: Google)
வெஸ்ட் இண்டீஸில் சுற்றுப்பயணம் மேற்கொண்டுள்ள இந்திய ஆண்கள் கிரிக்கெட் அணி முதலில் இரண்டு போட்டிகள் கொண்ட டெஸ்ட் தொடரை வென்று தற்பொழுது மூன்று போட்டிகள் கொண்ட ஒரு நாள் தொடரில் விளையாடி வருகிறது.
நடைபெற்று வரும் ஒரு நாள் தொடருக்கு பிறகு இந்திய அணி 5 போட்டிகள் கொண்ட டி20 தொடரில் வெஸ்ட் இண்டீஸ் அணிக்கு எதிராக விளையாடுகிறது. இந்தத் தொடருக்கான இந்திய அணி ஏற்கனவே வெளியிடப்பட்டுள்ளது
ஐந்து போட்டிகள் கொண்ட டி20 தொடரின் முதல் போட்டி ஆகஸ்ட் 3ஆம் தேதி டிரினிடாட் பிரைன் லாரா மைதானத்தில் தொடங்குகிறது. முதல் மூன்று போட்டி வெஸ்ட் இண்டீஸ் நாட்டிலும், கடைசி இரண்டு போட்டி அமெரிக்காவில் ஃப்ளோரிடா மாகாணத்திலும் நடக்க இருக்கிறது. அடுத்த வருடம் நடக்க இருக்கும் டி20 உலக கோப்பையும் வெஸ்ட் இண்டீஸ் மற்றும் அமெரிக்காவில் நடக்க இருப்பது குறிப்பிடத்தக்கது.
