தென் ஆப்பிரிக்க அணிக்கெதிரான டி20 தொடரில் ரஸ்ஸல் சேர்ப்பு!
தென் ஆப்பிரிக்க அணிக்கெதிரான முதல் இரண்டு டி20 போட்டிகளுக்கான வெஸ்ட் இண்டீஸ் அணியில் அதிரடி ஆல்ரவுண்டர் ஆண்ட்ரே ரஸ்ஸல் சேர்க்கப்பட்டுள்ளார்.
தென் ஆப்பிரிக்க அணி வெஸ்ட் இண்டீஸில் சுற்றுப்பயணம் செய்து 2 டெஸ்ட், 5 டி20 போட்டிகளில் விளையாடவுள்ளது. இதில் முன்னதாக நடைபெற்ற டெஸ்ட் தொடரில் தென் ஆப்பிரிக்க அணி 1-0 என்ற கணக்கில் வெஸ்ட் இண்டீஸை வீழ்த்தி தொடரைக் கைப்பற்றியது.
இந்நிலையில் இரு அணிகளுக்கும் இடையேயான ஐந்து டி20 போட்டிகள் கொண்ட தொடர் இன்று முதல் தொடங்கவுள்ளது. இத்தொடருக்காக இரு அணி வீரர்களும் தயாராகி வருகின்றனர்.
Trending
இந்நிலையில் இத்தொடரின் முதல் இரண்டு டி20 போட்டிகளுக்கான 13 பேர் அடங்கிய வெஸ்ட் இண்டீஸ் அணி அதிரடி ஆல்ரவுண்டர் ஆண்ட்ரே ரஸ்ஸல் சேர்க்கப்பட்டுள்ளார். டி20 உலகக்கோப்பை நெருங்கும் நேரத்தில் அதற்காக தயாராக வேண்டி இம்முடிவை எடுத்துள்ளதாக வெஸ்ட் இண்டீஸ் கிரிக்கெட் வாரியம் தெரிவித்துள்ளது.
முன்னதாக ஆண்ட்ரே ரஸ்ஸல், கடந்தாண்டு இலங்கையில் நடைபெற்ற டி20 தொடருக்கான வெஸ்ட் இண்டீஸ் அணியில் கடைசியாக விளையாடினார் என்பது குறிப்பிடத்தக்கது.
வெஸ்ட் இண்டீஸ் அணி: கீரோன் பொல்லார்ட் (கேப்டன்), நிக்கோலஸ் பூரன், ஃபேபியன் ஆலன், டுவைன் பிராவோ, பிடல் எட்வர்ட்ஸ், ஆண்ட்ரே பிளெட்சர், கிறிஸ் கெய்ல், ஜேசன் ஹோல்டர், எவின் லூயிஸ், ஒபேட் மெக்காய், ஆண்ட்ரே ரஸ்ஸல், லென்ட்ல் சிம்மன்ஸ், கெவின் சின்க்ளேர்.
Win Big, Make Your Cricket Tales Now
Cricket Scorecard
Major Clubs T20 Tournament
Major Clubs T20 Tournament
Lalitpur Mayor Women's Championship
