பாகிஸ்தான் ஷாஹீன்ஸுக்கு எதிராக பயிற்சிய ஆட்டத்தில் பங்கேற்கும் விண்டீஸ்!
பாகிஸ்தானில் சுற்றுப்பயணம் மேற்கொள்ளும் வெஸ்ட் இண்டீஸ் அணி, பாகிஸ்தான் ஷாஹீன்ஸ் அணிக்கு எதிரான மூன்று நாள் பயிற்சி ஆட்டத்தில் விளையாடவுள்ளது.
வெஸ்ட் இண்டீஸ் அணியானது அடுத்ததாக பாகிஸ்தானில் சுற்றுப்பயணம் மேற்கொண்டு இரண்டு போட்டிகள் கொண்ட டெஸ்ட் தொடரில் விளையாடவுள்ளது. இதன்மூலம் 18 ஆண்டுகளுக்கு வெஸ்ட் இண்டீஸ் அணி பாகிஸ்தானில் டெஸ் தொடரில் விளையாடவுள்ளது. இதற்கு முன் கடந்த 2006ஆம் ஆண்டு வெஸ்ட் இண்டீஸ் அணி பாகிஸ்தான் சென்று டெஸ்ட் தொடரில் விளையாடியது குறிப்பிடத்தக்கது.
இதன் காரணமாக இந்த தொடர் மீதான எதிர்பார்ப்புகளும் அதிகரித்துள்ளது. அதேசமாயம் நடைபெற்று வரும் 2023-25ஆம் அண்டிற்கான உலக டெஸ்ட் சாம்பியன்ஷிப் கிரிக்கெட் தொடரின் கடைசி தொடராகவும் இது அமைந்துள்ளதால் கூடுதல் எதிர்பார்ப்புகள் உள்ளன. மேற்கொண்டு பாகிஸ்தானுக்கு எதிரான இரண்டு போட்டிகள் கொண்ட டெஸ்ட் தொடரில் விளையாடும் வெஸ்ட் இண்டீஸ் அணி இன்று அறிவிக்கப்பட்டுள்ளது.
Trending
அதன்படி கிரேய்க் பிராத்வைட் தலைமையிலான இந்த அணியில் அறிமுக வீரர் அமீர் ஜாங்குவிற்கு வாய்ப்பு வழங்கப்பட்டுள்ளது.இதுதவிர்த்து நட்சத்திர சுழற்பந்துவீச்சாளர் குடகேஷ் மோட்டியும் டெஸ்ட் அணியில் இடம்பிடித்துள்ளார். இருப்பினும் அணியின் நட்சத்திர வேகப்பந்து வீச்சாளர்கள் ஷமார் ஜோசப் மற்றும் அல்ஸாரி ஜோசப் உள்ளிட்டோர் காயம் காரணமாக இத்தொடரில் இடம்பிடிக்கவில்லை.
இந்நிலையில் இட்தொடருக்கான முழு அட்டவணையையும் பாகிஸ்தான் கிரிக்கெட் வாரியம் இன்று அறிவித்துள்ளது. அதன்படி, எதிர்வரும் ஜவரி 6ஆம் தேதி பாகிஸ்தான் சென்றடையும் வெஸ்ட் இண்டீஸ் அணி, பாகிஸ்தான் ஷாஹீன்ஸ் அணிக்கு எதிரான மூன்று நாள் பயிற்சி ஆட்டத்தில் பங்கேறவுள்ளது. அதன்படி வெஸ்ட் இண்டீஸ் - பாகிஸ்தான் ஷாஹீன்ஸ் அணிகளுக்கு இடையேயான இந்த போட்டியானது ஜனவரி10 தேதி ராவல்பிண்டியில் நடைபெறும் என அறிவிக்கப்பட்டுள்ளது.
அதன்பின் பாகிஸ்தான் - வெஸ்ட் இண்டீஸ் அணிகளுக்கு இடையேயான முதல் டெஸ்ட் போட்டியானது ஜனவரி 16அம் தேதி கராச்சியில் உள்ள தேசிய கிரிக்கெட் மைதானத்திலும், இரு அணிகளுக்கும் இடையேயான இரண்டாவது டெஸ்ட் போட்டியானது ஜனவரி 24ஆம் தேதி முல்தான் கிரிக்கெட் மைதானத்திலும் நடைபெறவுள்ளது. மேலும் இத்தொடருக்கான பாகிஸ்தான் அணியும் விரைவில் அறிவிக்கப்படும் என எதிர்பார்க்கப்படுகிறது.
Also Read: Funding To Save Test Cricket
பாகிஸ்தானுக்கு எதிரான டெஸ்ட் தொடருக்கான வெஸ்ட் இண்டீஸ் அணி: கிரேக் பிராத்வைட் (கேப்டன்), ஜோசுவா டா சில்வா (துணை கேப்டன்), அலிக் அதானஸ், கேசி கார்டி, ஜஸ்டின் கிரீவ்ஸ், காவேம் ஹாட்ஜ், டெவின் இம்லாச், அமீர் ஜங்கு, மைக்கேல் லூயிஸ், குடாகேஷ் மோட்டி, ஆண்டர்சன் பிலிப், கீமார் ரோச், கெவின் சின்க்ளேர், ஜெய்டன் சீல்ஸ், ஜோமெல் வாரிக்கன்
Win Big, Make Your Cricket Tales Now
