இங்கிலாந்து தொடருக்கான வெஸ்ட் இண்டீஸ் மகளிர் அணி அறிவிப்பு!

இங்கிலாந்து தொடருக்கான வெஸ்ட் இண்டீஸ் மகளிர் அணி அறிவிப்பு! (Image Source: Google)

By Bharathi Kannan
May 14, 2025 • 01:16 PM

மகளிர் ஒருநாள் உலகக்கோப்பை தொடருக்கான தகுதிச்சுற்று போட்டிகள் கடந்த மாதம் பாகிஸ்தானில் நடைபெற்றது. இத்தொடரில் பெரிதும் எதிர்பார்க்கப்பட்ட வெஸ்ட் இண்டீஸ் மகளிர் அணியானது ரன் ரேட் அடிப்படையில் உலகக்கோப்பை தொடருக்கு தகுதிபெறும் வாய்ப்பை இழந்தது. 

By Bharathi Kannan
May 14, 2025 • 01:16 PM

இந்நிலையில் வெஸ்ட் இண்டீஸ் மகளிர் அணியானது இங்கிலாந்தில் சுற்றுப்பயணம் செய்து மூன்று போட்டிகள் கொண்ட டி20 மற்றும் ஒருநாள் தொடர்களில் விளையாடவுள்ளது. அதன்படி இவ்விரு அணிகளுக்கும் இடையேயான டி20 தொடரானது எதிவரும் மே 21ஆம் தேதி முதலும், ஒருநாள் தொடரானது மே 30ஆம் தேதி முதலும் நடைபெறவுள்ளது. இதனையடுத்து இத்தொடர்களுக்கான வெஸ்ட் இண்டீஸ் மகளிர் அணியானது இன்றைய தினம் அறிவிக்கப்பட்டுள்ளது. 

தற்போது அறிவிக்கப்பட்டுள்ள வெஸ்ட் இண்டீஸ் அணியில் கேப்டனாக ஹீலி மேத்யூஸ் தொடர்கிறார். மேற்கொண்டு அணியின் துணைக்கேப்டனாக ஷமைன் காம்பேல் நியமிக்கப்பட்டுள்ளார். அதேசமயம் காயம் காரணமாக அணியின் நட்சத்திர வீராங்கனைகள் சினெல்லே ஹென்றி மற்றும் டியான்டிரா டோட்டின் ஆகியோர் அணியில் இருந்து நீக்கப்பட்டுள்ளனார். முன்னதாக இவர்கள் உலகக்கோப்பை தகுதிச்சுற்று போட்டிகளில் விளையாடினர் என்பது குறிப்பிடத்தக்கது. 

இதன் காரணமாக அறிமுக வீராங்கனைகள் ஜஹ்சாரா கிளாக்ஸ்டன் மற்றும் ரியலியானா கிரிமண்ட் ஆகியோர் வெஸ்ட் இண்டீஸ் ஒருநாள் மற்றும் டி20 அணிகளில் சேர்க்கப்பட்டுள்ளனர். மேற்கொண்டு அணியின் அனுபவ வீராங்கனைகள் கரிஷ்மா ராம்ஹாராக், ஸ்டஃபானி டெய்லர், ஸைதா ஜேம்ஸ், கியானா ஜோசப் மற்றும் அஃபி பிளெட்சர் ஆகியோரும் இத்தொடருக்கான வெஸ்ட் இண்டீஸ் மகளிர் அணியில் இடம்பிடித்துள்ளனர். 

வெஸ்ட் இண்டீஸ் மகளிர் அணி: ஹீலி மேத்யூஸ் (கே), ஷெமைன் காம்பெல் (துணைக்கேப்டன்), ஆலியா அலீன், ஜஹ்ஸாரா கிளாக்ஸ்டன், அஃபி பிளெட்சர், செர்ரி ஆன் ஃப்ரேசர், ஷபிகா கஜ்னபி, ஜன்னில்லியா கிளாஸ்கோ, ரியலினா கிரிம்மண்ட், ஸைதா ஜேம்ஸ், கியானா ஜோசப், மாண்டி மங்ரு, அஷ்மினி முனிசர், கரிஷ்மா ராம்ஹராக், ஸ்டெஃபானி டெய்லர்.