WIW vs SAW, 1st ODI: தென் ஆப்பிரிக்காவை வீழ்த்தி வெஸ்ட் இண்டிஸ் வெற்றி!
வெஸ்ட் இண்டீஸ் மகளிர் அணிக்கு எதிரான முதல் ஒருநாள் போட்டியில் தென் ஆப்பிரிக்க மகளிர் அணி 4 விக்கெட் வித்தியாசத்தில் தோல்வியடைந்தது.
வெஸ்ட் இண்டீஸில் சுற்றுப்பயணம் மேற்கொண்டுள்ள தென் ஆப்பிரிக்க மகளிர் அணி 3 போட்டிகள் கொண்ட ஒருநாள் மற்றும் டி20 தொடர்களில் விளையாடி வருகிறது. இதில் தற்சமயம் ஒருநாள் தொடரானது நடைபெற்று வரும் நிலையில், இரு அணிகளுக்கும் இடையேயான முதல் ஒருநாள் போட்டி நேற்று பார்படாஸில் நடைபெற்றது. இப்போட்டில் டாஸை இழந்து முதலில் பேட்டிங் செய்த தென் ஆப்பிரிக்க அணிக்கு கேப்டன் லாரா வோல்வார்ட் மற்றும் தஸ்மின் பிரிட்ஸ் இணை சிறப்பான தொடக்கத்தைக் வழங்கியதுடன் முதல் விக்கெட்டிற்கு 73 ரன்கள் பார்ட்னர்ஷிப்பும் அமைத்தனர்.
இதில் 27 ரன்களைச் சேர்த்திருந்த லாரா வோல்வார்ட் ஆட்டமிழக்க, 57 ரன்களில் தஸ்மின் பிரிட்ஸும் ஆட்ட்மிழந்தார். இதனையடுத்து களமிறங்கிய வீராங்கனைகளில் நதிண்டி கிளார்க் 42 ரன்களையும், சுனே லூஸ் 32 ரன்களையும் சேர்த்ததை தவிர்த்து மற்ற வீராங்கனைகள் சோபிக்க தவறினர். இதனால் தென் ஆப்பிரிக்க மகளிர் அணி 50 ஓவர்கள் முடிவில் 9 விக்கெட்டுகளை இழந்து 232 ரன்களை மட்டுமே எடுத்திருந்தது. வெஸ்ட் இண்டீஸ் அணி தரப்பில் கரிஷ்ம ராம்ஹராக் மற்றும் ஆலியா அலீன் ஆகியோர் தலா 2 விக்கெட்டுகளை கைப்பற்றினர்.
பின்னர் இலக்கை நோக்கி வெஸ்ட் இண்டீஸ் அணி களமிறங்க இருந்த நிலையில் மழை குறுக்கிட்டதால் இப்போட்டி தடைபட்டது. அதன்பின் டக்வொர்த் லூயிஸ் முறைப்படி வெஸ்ட் இண்டீஸ் அணிக்கு 34 ஓவர்களில் 180 ரன்கள் என்ற இலக்கானது நிர்ணயிக்கப்பட்டது. அதன்படி களமிறங்கிய அந்த அணிக்கு கேப்டன் ஹீலி மேத்யூஸ் - கியானா ஜோசப் இணை அதிரடியான தொடக்கத்தை வழங்கி, அணியின் வெற்றிக்கு தேவையான அடித்தளத்தை அமைத்துக்கொடுத்தனர். மேற்கொண்டு இருவரும் இணைந்து முதல் விக்கெட்டிற்கு 88 ரன்கள் பார்ட்னர்ஷிப் முறையில் சேர்த்தனர்.
Also Read: LIVE Cricket Score
இதில் ஹீலி மேத்யூஸ் 40 ரன்களில் விக்கெட்டை இழக்க, அரைசதம் கடந்தைருந்த கியானா ஜோசபும் 60 ரன்களுடன் ஆட்டமிழந்தார். அதன்பின் களமிறங்கிய வீராங்களிலும் வந்த வேகத்தில் நடையை கட்ட, இறுதிவரை ஆட்டமிழக்காமல் இருந்த ஸ்டஃபானி டெய்லர் 30 ரன்களைச் சேர்த்து அணிக்கு வெற்றியைத் தேடிக்கொடுத்தார். இதன்மூலம் வெஸ்ட் இண்டீஸ் மகளிர் அணி 32 ஓவர்களில் இலக்கை எட்டியதுட்ன் 4 விக்கெட்டுகள் வித்தியாசத்தில் தென் ஆப்பிரிக்க மகளிர் அணியை வீழ்த்தியதுடன், மூன்று போட்டிகள் கொண்ட ஒருநாள் தொடரிலும் 1-0 என்ற கணக்கில் முன்னிலைப் பெற்றுள்ளது.
Win Big, Make Your Cricket Tales Now
