WPL 2023: டெல்லி கேப்பிட்டல்ஸை105 ரன்களில் சுருட்டியது மும்பை இந்தியன்ஸ்!

மும்பை இந்தியன்ஸுக்கு எதிரான மகளிர் பிரீமியர் லீக் ஆட்டத்தில் முதலில் விளையாடிய டெல்லி கேப்பிட்டல்ஸ் அணி 108 ரன்களுக்கு ஆல் அவுட்டானது.

WPL 2023: Delhi Capitals Women All Out For 105 against Mumbai Indians! (Image Source: Google)

மகளிர் பிரீமியர் லீக் தொடரின் முதலாவது சீசன் விறுவிறுப்பாக நடைபெற்று வருகிறது. இதில் இன்று நடைபெற்றுவரும் 7ஆவது லீக் ஆட்டத்தில் மும்பை இந்தியன்ஸ் - டெல்லி கேப்பிட்டல்ஸ் அணிகள் பலப்பரீட்சை நடத்தி வருகின்றன. இப்போட்டியில் டாஸ் வென்ற டெல்லி அணி முதலில் பேட்டிங் செய்ய தீர்மானித்து விளையாடியது. 

அதன்படி களமிறங்கிய அந்த அணியில் அதிரடி தொடக்க வீராங்கனை ஷஃபாலி வர்மா 2 ரன்களில் ஆட்டமிழந்து அதிர்ச்சியளித்தார். அவரைத்தொடர்ந்து வந்த அலிஸ் கேப்ஸி, மரிசேன் கேப் ஆகியோரும் சொற்ப ரன்களில் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். 

பின்னர் ஜோடி சேர்ந்த கேப்டன் மெக் லெனிங் - ஜெமிமா ரோட்ரிக்ஸ் இணை சிறுது நேரம் தாக்குப்பிடித்து ஓரளவுள் பார்ட்னர்ஷிப் அமைத்தனர். இதில் 25 ரன்களை எடுத்திருந்த ஜெமிமா ரோட்ரிஸ்க் விக்கட்டை இழக்க, மறுமுனையில் அரைசதம் அடிப்பார் என எதிர்பார்க்கப்பட்ட மெக் லெனிங் 43 ரன்களில் ஆட்டமிழந்து அரைசதமடிக்கும் வாய்ப்பை தவறவிட்டார். 

இதையடுத்து களமிறங்கிய ஜெஸ் ஜொனசென், தனியா பாட்டியா, மினு மணி உள்ளிட்டோரும் எதிரணி பந்துவீச்சுக்கு ஈடுகொடுக்க முடியாமல் சொற்ப ரன்களுக்கு விக்கெட்டை இழக்க, 18 ஓவக்களில்  டெல்லி கேப்பிட்டல்ஸ் அணி அனைத்து விக்கெட்டுகளையும் இழந்து 105 ரன்களுக்கு ஆல் அவுட்டானது.

மும்பை இந்தியன்ஸ் தரப்பில் அபாரமாக பந்துவீசிய சைகா இஷாக், இஸி வாங், ஹீலி மேத்யூஸ் தலா 3 விக்கெட்டுகளைக் கைப்பற்றி அசத்தினர். 

Win Big, Make Your Cricket Tales Now