Womens premier league 2023
தனது செயலால் ரசிகர்களின் பாராட்டைப் பெற்ற எல்லிஸ் பெர்ரி!
மகளிர் பிரீமியர் லீக்கின் முதலாவது சீசன் விறுவிறுப்பாக நடைபெற்று வருகிறது. இதில் ஹர்மன்ப்ரீத் கவுர் தலைமையிலான மும்பை இந்தியன்ஸ் அணி குவாலிஃபையர் சுற்றுக்கு முதல் அணியாக முன்னேறி அசத்தியது. அதேசமயம் ஸ்மிருதி மந்தனா தலைமையிலான ராயல் சேலஞ்சர்ஸ் பெங்களூரு அணி விளையாடிய அனைத்து போட்டிகளிலும் தோல்வியைத் தழுவி பெரும் ஏமாற்றத்தைக் கொடுத்துள்ளது.
இந்நிலையில் ஆர்சிபி அணி வீராங்கனை ஒருவரின் செயல் ரசிகர்கள் மத்தியில் பெரும் பாராட்டைப் பெற்றுள்ளது. 32 வயதான இந்த ஆஸ்திரேலிய வீராங்கனை தற்போது ராயல் சேலஞ்சர்ஸ் பெங்களூரு அணிக்காக விளையாடி வருகிறார். இந்த சீசனில் இதுவரை 5 போட்டிகளில் விளையாடி 195 ரன்கள் எடுத்துள்ளார். இதில் 2 அரை சதங்கள் அடங்கும். 21 பவுண்டரி மற்றும் 7 சிக்ஸர்களை விளாசியுள்ளார். அதிக ரன்கள் எடுத்த வீராங்கனைகளில் இரண்டாவது இடத்தில் அவர் உள்ளார்.