WPL 2023: ஹர்லீன் தியோல் அதிரடி; யுபிக்கு 170 டார்கெட்!

யுபி வாரியர்ஸுக்கு எதிரான மகளிர் பிரீமியர் லீக் ஆட்டத்தில் முதலில் பேட்டிங் செய்த குஜராத் ஜெயண்ட்ஸ் அணி 170 ரன்களை இலக்காக நிர்ணயித்துள்ளது.

WPL 2023: UP Warriorz need 170 runs to win their first game! (Image Source: Google)

மகளிருக்கான பிரீமியர் லீக் தொடரின் முதல் சீசன் நேற்று பிரம்மாண்டமாக தொடங்கியது. இதில் இன்று நடைபெற்றுவரும் 3ஆவது லீக் ஆட்டத்தில் குஜராத் ஜெயண்ட்ஸ் - யுபி வாரியர்ஸ் அணிகள் பலப்பரீட்சை நடத்தி வருகின்றனர். இதில் டாஸ் வென்ற குஜராத் ஜெயண்ட்ஸ் அணி முதலில் பேட்டிங் செய்ய தீர்மானித்து களமிறங்கியது. 

அதன்படி அந்த அணிக்கு மேகனா - ஷோஃபியா டங்க்லி இணை தொடக்கம் கொடுத்தனர். இதில் டங்க்லி 13 ரன்களில் ஆட்டமிழக்க, மறுமுனையி அதிரடியாக விளையாடிய மேகனாவும் 24 ரன்களுக்கு விக்கெட்டை இழந்தார். இதனையடுத்து களமிறங்கிய சதர்லேண்ட், சுஷ்மா வர்மா ஆகியோர் சொற்ப ரன்களுக்கு விக்கெட்டுகளை இழந்தனர். 

பின்னர் ஜோடி சேர்ந்த ஹர்லீன் டியோல் - ஆஷ்லே கார்ட்னர் இணை சிறப்பான ஆட்டத்தை வெளிப்படுத்தி அணியின் ஸ்கோரை சீரான வேகத்தில் உயர்த்தினர். அதன்பின் அதிரடியாக விளையாட முயன்ற கார்ட்னர் 25 ரன்களுக்கு எதிர்பாராத விதமாக விக்கெட்டை இழந்தார். மறுமுனையில் அதிரடியாக விளையாடிய ஹர்லின் தியோல் 32 பந்துகளில் 46 ரன்களைச் சேர்த்து ஆட்டமிழந்தார். 

இறுதியில் ஹேமலதா 21 ரன்களையும், ஸ்நே ரானா 9 ரன்களையும் சேர்த்து அணிக்கு உதவினர். இதனால் 20 ஓவர்கள் முடிவில் குஜாராத் ஜெயண்ட்ஸ் அணி 6 விக்கெட் இழப்பிற்கு 169 ரன்களைச் சேர்த்தது. யுபி அணி தரப்பில் தீப்தி சர்மா, சோபி எக்லெஸ்டோன் தலா 2 விக்கெட்டுகளைக் கைப்பற்றினர். 

Win Big, Make Your Cricket Tales Now