உலக டெஸ்ட் சாம்பியன்ஷிப்: நிதான ஆட்டத்தில் இந்தியா!
உலக டெஸ்ட் சாம்பியன்ஷிப் இறுதிப்போட்டியின் ஐந்தாம் நாள் ஆட்டநேர முடிவில் இந்திய அணி 2 விக்கெட் இழப்பிற்கு 64 ரன்களைச் சேர்த்துள்ளது.
இதையடுத்து மூன்றாம் நாளில் முதல் இன்னிங்ஸைத் தொடங்கிய நியூசிலாந்து அணி நாளின் முடிவில் 2 விக்கெட் இழப்பிற்கு 101 ரன்கள் எடுத்தது. அதனைத் தொடர்ந்து நேற்று நடைபெற இருந்த நான்காவது நாள் ஆட்டம், மழை காரணமாக ஒரு பந்து கூட வீசப்படாமல் ரத்து செய்யப்பட்டது.
Trending
இந்நிலையில், 5ஆவது நாளான இன்றும் மழை குறுக்கிட்டது. இதனால் ஒரு மணி நேரம் தாமதமாக ஆட்டம் தொடங்கியது. இதில் தொடர்ந்து விளையாடிய நியூசிலாந்து அணி முதல் இன்னிங்சில் 249 ரன்களுக்கு ஆல் அவுட்டானது. கேன் வில்லியம்சன் 49 ரன்னும், சவுத்தி 30 ரன்னும் எடுத்தனர். இந்தியா சார்பில் ஷமி 4 விக்கெட்டும், இஷாந்த் 3 விக்கெட்டும், அஷ்வின் 2 விக்கெட்டும் வீழ்த்தினர்.
அதன்பின் 32 ரன்கள் பின்தங்கிய நிலையில் இந்திய அணி இரண்டாவது இன்னிங்சை தொடங்கியது. தொடக்க ஆட்டக்காரர்களாக ரோகித் சர்மாவும், சுப்மான் கில்லும் களமிறங்கினர்.
இதில் சுப்மான் கில் 8 ரன்கள் எடுத்திருந்த நிலையில் டிம் சௌதியிடன் விக்கெட்டை இழந்து ஏமாற்றினார். மறுமுனையில் நிதானமாக ஆடி வந்த ரோகித் சர்மாவும் 30 ரன்னில் டிம் சௌதியிடம் வீழ்ந்தார்.
இதையடுத்து ஜோடி சேர்ந்த புஜாரா - கேப்டன் விராட் கோலியும் மேற்கொண்டு விக்கெட் விழாமல் பார்த்துக் கொண்டனர். இதனால் ஐந்தாம் நாள் ஆட்ட முடிவில் இந்திய அணி 2 விக்கெட் இழப்புக்கு 64 ரன்களை மட்டும் எடுத்தது.
இதில் புஜாரா 12 ரன்னுடனும், கோலி 8 ரன்னுடனும் ஆட்டமிழக்காமல் உள்ளனர். நியூசிலாந்து சார்பில் சவுத்தி 2 விக்கெட் வீழ்த்தினார்.
Win Big, Make Your Cricket Tales Now
