PAK vs SL, Asia Cup 2023: பாகிஸ்தான் பிளேயிங் லெவன் அறிவிப்பு; மூன்று முக்கிய மாற்றங்கள்!
இலங்கை அணிக்கெதிரான ஆசிய கோப்பை கிரிக்கெட் தொடரின் சூப்பர் 4 சுற்றில் விளையாடும் பாகிஸ்தான் அணியின் பிளேயிங் லெவன் இன்று அறிவிக்கப்பட்டுள்ளது.
நாளை ஆசியக்கோப்பை இரண்டாவது சுற்றில் இலங்கை மற்றும் பாகிஸ்தான் அணிகள் தங்களின் கடைசிப் போட்டியை விளையாட இருக்கின்றன. இந்தப் போட்டியில் யார்? வெல்கிறார்களோ அவர்கள் இறுதிப் போட்டிக்குத் தகுதி பெற்று, இந்திய அணிக்கு எதிராக மோதுவார்கள். ஒருவேளை இந்தப் போட்டியில் மழையால் நடைபெறாமல் டிராவானால் ரன் ரேட் அடிப்படையில் இலங்கை அணி இந்த முறையும் இறுதிப் போட்டிக்கு தகுதி பெறும்.
இந்த இரண்டு அணிகளுமே தங்களுடைய கடைசி போட்டியில் இந்திய அணிக்கு எதிராக தோல்வி அடைந்திருக்கின்றன. தோல்வி முகத்தில் இருந்து வாழ்வா? சாவா? போட்டியில் நாளை இரு அணிகளுமே மோதுகின்றன. பாகிஸ்தான் அணியைப் பொறுத்தவரை எடுத்துக் கொண்டால், அந்த அணியின் மிகப்பெரிய பலமாக அவர்களின் பாஸ்ட் பவுலிங் யூனிட் மற்றும் கேப்டன் பாபர் அசாமின் பேட்டிங் இருக்கிறது.
Trending
இந்தியாவுக்கு எதிரான கடைசி போட்டியில் இந்த இரண்டுமே பலிக்காமல் போனது. மேலும் 228 ரன்கள் வித்தியாசத்தில் இந்திய அணிக்கு எதிராக பாகிஸ்தான் அணி படுதோல்வியை சந்தித்தது. இதில் மிகக் குறிப்பாக பாகிஸ்தான் அணியின் அதிவேக பந்துவீச்சாளர் ஹாரிஸ் ரவுப் முதுகுப் பகுதியில் ஏற்பட்ட பிரச்சனை காரணமாக, இந்திய அணிக்கு எதிரான போட்டியில் பாதியில் பந்து வீச வரவில்லை. அதேபோல் தோள்பட்டை வலியால் நசீம் ஷா ஆட்டத்தின் இரண்டாம் பகுதியில் பேட்டிங் செய்ய வரவில்லை.
இந்த இருவர்களுக்கு பதிலாக பாகிஸ்தான் அணி முன்னெச்சரிக்கை நடவடிக்கையாக, ஆசியக் கிரிக்கெட் கவுன்சில் அனுமதி பெற்று ஜமான் கான் மற்றும் தகாணி இருவரையும் அணியில் சேர்த்து இருந்தது. இந்த நிலையில் நாளை இலங்கைக்கு எதிரான போட்டிக்கான பிளேயிங் லெவனை பாகிஸ்தான் கிரிக்கெட் நிர்வாகம் அறிவித்திருக்கிறது.
இதில் ஹாரிஸ் ரவுப் மற்றும் நஷிம் ஷா இருவரும் இடம் பெறவில்லை. இவர்களுக்கு பதிலாக முகமது வாசிம் மற்றும் ஜமான் கான் இடம் பெறுகிறார்கள். மேலும் பகிம் அஷ்ரப்க்கு பதிலாக முகமது நவாஸ் இடம் பெறுகிறார். மேலும் நட்சத்திர வீரர் பகார் ஜமான் நீக்கப்பட்டு முகமது ஹாரிஸ் இடம் பெறுகிறார். மிடில் வரிசையில் ஆகா சல்மான் நீக்கப்பட்டு சவுத் ஷகீல் வாய்ப்பு பெற்று இருக்கிறார்.
பாகிஸ்தான் பிளேயிங் லெவன்: முகமது ஹாரிஸ், இமாம்- உல்- ஹக், பாபர் ஆசாம் (கே), முகமது ரிஸ்வான், சௌத் ஷகீல், இஃப்திகார் அகமது, ஷதாப் கான், முகமது நவாஸ், ஷஹீன் அஃப்ரிடி, முகமது வாசிம் ஜூனியர், ஸமான் கான்.
Win Big, Make Your Cricket Tales Now
