ZIM vs AFG, 1st ODI: ஜிம்பாப்வேவை வீழ்த்தி ஆஃப்கானிஸ்தான் அபார வெற்றி!
ஜிம்பாப்வே அணிக்கெதிரான முதல் ஒருநாள் போட்டியில் ஆஃப்கானிஸ்தான் அணி 60 ரன்கள் வித்தியாசத்தில் அபார வெற்றியைப் பெற்றது.
இப்போட்டியில் முதலில் டாஸ் வென்ற ஜிம்பாப்வே அணி ஆஃப்கானிஸ்தனை பேட்டிங் செய்யுமாறு அழைத்தது. அதன்படி களமிறங்கிய ஆஃப்கானிஸ்தான் அணியில் இப்ராஹிம் ஸத்ரான் 5 ரன்களிலும், ரஹ்மனுல்லா குர்பாஸ் 17 ரன்களிலும் ஆட்டமிழந்து ஏமாற்றமளித்தனர்.
Trending
அதன்பின் ஜோடி சேர்ந்த ரஹ்மத் ஷா - கேப்டன் ஹஸ்மதுல்லா ஷாஹிதி இணை அதிரடியான ஆட்டத்தை வெளிப்படுத்தி விக்கெட் இழப்பை தடுத்தடுதுடன், அணியின் ஸ்கோரையும் மளமளவென உயர்த்தியது.
தொடர்ந்து அபாரமாக விளையாடிய இருவரும் அரைசதம் கடந்து அசத்தியதுடன், சதத்தை நோக்கியும் முன்னேறினர். அதன்பின் 94 ரன்களைச் சேர்த்திருந்த ரஹ்மத் ஷா, முசரபானி பந்துவீச்சில் ஆட்டமிழந்து 6 ரன்களில் சதத்தை தவறவிட, அவரைத்தொடர்ந்து கேப்டன் ஹஸ்மதுல்லா ஷாஹிதியும் 88 ரன்களில் முசரபானியிடம் விக்கெட்டை இழந்தார்.
அவர்களைத்தொடர்ந்து களமிறங்கிய முகமது நபியும் 10 ரன்கள் எடுத்த நிலையில் முசரபானியிடம் விக்கெட்டை இழந்தார். இறுதியில் ரஷித் கான் அதிரடியான ஆட்டத்தை வெளிப்படுத்தி ஒருசில் பவுண்டரிகளை பறக்கவிட்டார்.
இதன்மூலம் 50 ஓவர்கள் முடிவில் ஆஃப்கானிஸ்தான் அணி 5 விக்கெட்டுகளை இழந்து 276 ரன்களைச் சேர்த்தது. இதில் இறுதிவரை ஆட்டமிழக்காமல் இருந்த ரஷித் கான் 17 பந்துகளில் 4 பவுண்டரி, 2 சிக்சர்கள் என 39 ரன்களைச் சேர்த்தார். ஜிம்பாப்வே அணி தரப்பில் பிளெஸ்ஸிங் முசரபானி சிறப்பாக பந்துவீசி 4 விக்கெட்டுகளைக் கைப்பற்றினார்.
இதையடுத்து 277 ரன்கள் எடுத்தால் வெற்றி என்ற கடின இலக்கை நோக்கி களமிறங்கிய ஜிம்பாப்வே அணி சகப்வா ஒரு ரன்னில் ஆட்டமிழந்து ஏமாற்றமளித்தார். அதன்பின் ஜோடி சேர்ந்த கையா - கேப்டன் எர்வின் இணை ஓரளவு பார்ட்னர்ஷிப் அமைத்தனர்.
அதன்பின் 39 ரன்களில் கையாவும், 30 ரன்களில் எர்வினும் ஆட்டமிழக்க அடுத்து களமிறங்கிய சிக்கந்தர் ரஸா பொறுப்பான ஆட்டத்தை வெளிப்படுத்தி அரைசதம் கடந்தார். ஆனால் மற்ற வீரர்கள் சரிவர சோபிக்க தவறி அடுத்தடுத்து விக்கெட்டுகளை இழந்தனர்.
இதனால் 50 ஓவர்கள் முடிவில் ஜிம்பாப்வே அணி அனைத்து விக்கெட்டுகளையும் இழந்து 216 ரன்களை மட்டுமே சேர்த்தது. ஆஃப்கானிஸ்தான் அணி தரப்பில் முகமது நபி 4 விக்கெட்டுகளைக் கைப்பற்றி அசத்தினார்.
இதன்மூலம் ஆஃப்கானிஸ்தான் அணி 60 ரன்கள் வித்தியாசத்தில் ஜிம்பாப்வே அணியை வீழ்த்தி அபார வெற்றியைப் பதிவுசெய்தது.
Win Big, Make Your Cricket Tales Now
