அயர்லாந்து டெஸ்ட் தொடருக்கான ஜிம்பாப்வே அணி அறிவிப்பு!

அயர்லாந்தில் சுற்றுப்பயணம் மேற்கொண்டு டெஸ்ட் போட்டியில் ஜிம்பாப்வே அணி விளையாடவுள்ள நிலையில், இப்போட்டிக்கான அணியையை அந்நாட்டு கிரிக்கெட் வாரியம் அறிவித்துள்ளது.

அயர்லாந்து டெஸ்ட் தொடருக்கான ஜிம்பாப்வே அணி அறிவிப்பு! (Image Source: Google)

இந்தியா - ஜிம்பாப்வே அணிகளுக்கு இடையேயான 5 போட்டிகள் கொண்ட டி20 தொடர் நடைபெற்றுவருகிறது. இந்நிலையில் இதனையடுத்து ஜிம்பாப்வே அணியானது அயர்லாந்தில் சுற்றுப்பயணம் மேற்கொண்டு ஒரு போட்டி கொண்ட டெஸ்ட் தொடரில் விளையாடுகிறது. இவ்விரு அணிகளும் டெஸ்ட் போட்டியில் விளையாடுவது இதுவே முதல் முறை என்பதால் இப்போட்டியின் மீதான எதிர்பார்ப்புகளும் அதிகரித்துள்ளன. ‘

அந்தவகையில் வரும் ஜூலை 25ஆம் தேதி பெல்ஃபெஸ்டில் நடைபெறும் இப்போட்டியானது ஜூலை 29ஆம் தேதிவரை நடைபெறவுள்ளது. இந்நிலையில் இத்தொடரில் பங்கேற்கும் கிரேக் எர்வின் தலைமையிலான ஜிம்பாப்வே அணியானது இன்று அறிவிக்கப்பட்டுள்ளது. இந்த அணியில், ஜெய்லார்ட் கும்பி, பிளெஸ்ஸிங் முசரபானி, பிரையன் பென்னட், தியான் மேயர்ஸ், ஜானதன் காம்பெல், சீன் வில்லியம்ஸ் உள்ளிட்ட நட்சத்திர வீரர்கள் தேர்வு செய்யப்பட்டுள்ளனர். 

அதேசமயம் சிக்கந்தர் ரஸா, ரியான் பார்ல் உள்ளிட்ட வீரர்களுக்கு அணியில் ஓய்வு வழங்கப்பட்டுள்ளது குறிப்பிடத்தக்கது. முன்னதாக ஜிம்பாப்வே அணி இந்தண்டு தொடக்கத்தில் வெஸ்ட் இண்டீஸ் அணியுடன் இரண்டு போட்டிகள் கொண்ட டெஸ்ட் தொடரில் விளையாடியது. இதில் வெஸ்ட் இண்டீஸ் அணியானது 1-0 என்ற கணக்கில் தொடரை வென்றது குறிப்பிடத்தக்கது.

ஜிம்பாப்வே டெஸ்ட் அணி: கிரேக் எர்வின் (கேப்டன்), பிரையன் பென்னட், ஜொனாதன் காம்ப்பெல், டெண்டாய் சதாரா, தனகா சிவாங்கா, ஜாய்லார்ட் கும்பி, ராய் கையா, கிளைவ் மடண்டே, வெலிங்டன் மஸகட்சா, பிரின்ஸ் மஸ்வௌரே, ப்ளெஸிங் முசரபானி, தியா மியர்ஸ், ரிச்சர்ட் ந்ங்கராவா, விக்டர் நியுச்சி, சீன் வில்லியம்ஸ்

 

Win Big, Make Your Cricket Tales Now