நடப்பு ஒருநாள் கிரிக்கெட் உலகக்கோப்பை தொடரில் இந்திய அணி மொத்தம் ஐந்து போட்டிகளில் விளையாடி 5 போட்டிகளையும் வென்று இருக்கிறது. இந்திய அணி இந்த ஐந்து போட்டிகளையும் வெல்வதற்கு மிக முக்கியமான காரணமாக பேட்டிங் யூனிட்டில் விராட் கோலி தொடர்ச்சியாக செயல்பட்டு வருகிறார். ஆஸ்திரேலியா அணிக்கு எதிரான முதல் ஆட்டத்தில் இரண்டு ரன்களில் இந்திய அணி மூன்று விக்கெட்டுகளை இழந்து நெருக்கடியில் தத்தளித்த பொழுது, கேஎல் ராகுலுடன் இணைந்து ஒரு அற்புதமான இன்னிங்ஸ் விளையாடி இந்திய அணியின் வெற்றி பயணத்தை தொடங்கி வைத்தார்.