ஐசிசி உலகக் கோப்பை கிரிக்கெட் தொடரில் இன்று மும்பையில் இருக்கும் வான்கடே மைதானத்தில் நடைபெற்ற 23ஆவது லீக் போட்டியில் தென் ஆப்பிரிக்கா மற்றும் வங்கதேசம் அணிகள் மோதின. அந்தப் போட்டியில் டாஸ் வென்ற தென் ஆப்பிரிக்கா முதலில் பேட்டிங் செய்வதாக அறிவித்தது.  அதைத்தொடர்ந்து களமிறங்கிய தென்னாப்பிரிக்காவுக்கு குயிண்டன் டீ காக் தம்முடைய வழக்கமான ஆட்டத்தை வெளிப்படுத்திய நிலையில் எதிர்ப்புறம் தடுமாறிய ரீசா ஹென்றிக்ஸ் 12 ரன்களில் அவுட்டானார்.