ஐபிஎல் 2021: கடந்தாண்டு தவற விட்ட கோப்பையைக் கைப்பற்றுமா டெல்லி கேப்பிட்டல்ஸ்?

அமீரகத்தில் நடைபெறும் இரண்டாம் பாதி ஐபிஎல் தொடரில் டெல்லி கேப்பிட்டல்ஸ் அணியின் கேப்டனாக ரிஷப் பந்தே செயல்படுவார் என எதிர்பார்க்கப்படுகிறது.

IPL 2021: Delhi Capitals (DC) Squad, Schedule, Updated Time And Venue (Image Source: Google)

கரோனா பரவல் காரணமாக ஒத்திவைக்கப்பட்ட ஐபிஎல் தொடர் இன்னும் சில நாட்களில் அமீரகத்தில் மீண்டும் தொடங்கவுள்ளது. இதையடுத்து இத்தொடருக்காக அனைத்து ஐபிஎல் அணிகளும் தீவிரமாக தயாராகி வருகின்றனர். 

அந்தவகையில் நடப்பு சீசன் ஐபிஎல் புள்ளிப்பட்டியலில் முதலிடம் பிடித்துள்ள டெல்லி கேப்பிட்டல்ஸ் அணியின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. 

காரணம் கடந்த சீசன் ஐபிஎல் தொடரில் இறுதிப்போட்டி வரை முன்னேறிய டெல்லி கேப்பிட்டல்ஸ் அணியால், கோப்பையை வெல்ல முடியவில்லை. அதனால் புது தெம்புடன் நடப்பு சீசனில் கோப்பையை வெல்ல வேண்டும் என்ற நோக்கில் டெல்லி கேப்பிட்டல்ஸ் அணி விளையாடி வருகிறது. 

மேலும் காயம் காரணமாக முதல் பாதியில் விளையாடாமல் இருந்த ஸ்ரேயாஸ் ஐயர் மீண்டும் அணிக்கு திரும்பியுள்ளது பெரும் பலமாக அமைந்துள்ளது. இருப்பினும் நடப்பு சீசனில் ரிஷப் பந்த் சிறப்பாக அணியை வழிநடத்தியுள்ளதால், அவர் தான் எஞ்சியுள்ள போட்டிகளிலும் டெல்லி கேப்பிட்டல்ஸ் அணியை வழிநடத்துவார் என எதிர்பார்க்கப்படுகிறது. 

டெல்லி அணியின் பேட்டிங்கைப் பொறுத்தவரையில் ஷிகர் தவான், பிரித்வி ஷா ஆகியோர் உச்சகட்ட ஃபார்மில் உள்ளனர். அவர்களுக்கு உறுதுணையாக அஜிங்கியா ரஹானே, ரிஷப் பந்த், ஸ்ரேயாஸ் ஐயர், மார்கஸ் ஸ்டோய்னிஸ், ஸ்டீவ் ஸ்மித், ஹெட்மையர் , சாம் பில்லிங்ஸ் ஆகியோரும் உள்ளது அணியின் பேட்டிங்கை வலிமை சேர்த்துள்ளது. 

பந்துவீச்சில் ரவிச்சந்திரன் அஸ்வின், அமித் மிஸ்ரா, காகிசோ ரபாடா, அண்ட்ரிச் நோர்ட்ஜே, டாம் கரண், ஆவேஷ் கான், இஷாந்த் சர்மா, உமேஷ் யாதவ் ஆகியோர் இருப்பதால் நிச்சயம் எதிரணிக்கு இப்படை மிகப்பெரும் சவாலாக அமையும் என எதிர்பார்க்கப்படுகிறது. 

அமீரகத்தில் நடைபெறும் இரண்டாம் பாதியில் டெல்லி கேப்பிட்டல்ஸ் அணி, சன்ரைசர்ஸ் ஹைதராபாத் அணியுடன் முதல் போட்டியில் விளையாடவுள்ளது.

IPL 2021 Delhi Capitals(DC) Match Schedule

• 22 Sep 2021 - 07:30 PM - DC vs SRH - Dubai
• 25 Sep 2021 - 03:30 PM - DC vs RR - Abu Dhabi
• 28 Sep 2021 - 03:30 PM - KKR vs DC - Sharjah
• 2 Oct 2021 - 03:30 PM - MI vs DC - Sharjah
• 4 Oct 2021 - 07:30 PM - DC vs CSK - Dubai
• 8 Oct 2021 - 07:30 PM - RCB vs DC - Dubai

டெல்லி கேப்பிட்டல்ஸ்: ஸ்ரேயாஸ் ஐயர், அஜிங்க்யா ரஹானே, அமித் மிஸ்ரா, அவேஷ் கான், அக்ஸர் பட்டேல், இஷாந்த் சர்மா, ககிசோ ரபாடா, பிருத்வி ஷா, ரவிச்சந்திரன் அஷ்வின், ரிஷப் பந்த், ஷிகர் தவான், லலித் யாதவ், மார்கஸ் ஸ்டோனிஸ், ஷிம்ரான் ஹெட்மையர், கிறிஸ் வோக்ஸ், அன்ரிச் நோர்ட்ஜே, ஸ்டீவ் ஸ்மித் , உமேஷ் யாதவ், ரிபால் படேல், லுக்மான் ஹுசைன் மேரிவாலா, எம் சித்தார்த், டாம் கர்ரன், சாம் பில்லிங்ஸ், பிரவின் துபே, விஷ்ணு வினோத்.

Win Big, Make Your Cricket Tales Now