Hosts India bow out of FIFA U-17 Women's World Cup after losing to Brazil (Image Source: Google)
இந்தியாவில், 17 வயதுக்குட்பட்ட மகளிர் அணிகளுக்கான ஃபிஃபா மகளிர் உலக கோப்பை கால்பந்து தொடரின் ஏழாவது விறுவிறுப்பாக நடைபெற்று வருகிறது. ஒடிசா மாநிலம் புவனேஸ்வரில் நடந்த ‘ஏ’ பிரிவு லீக் போட்டியில் இந்தியா, பிரேசில் அணிகள் மோதின.
இப்போட்டியில் ஆரம்பம் முதலே ஆதிக்கம் செலுத்திய பிரசேில் அணிக்கு கேபி ஆட்டத்தின் 11ஆவது நிமிடத்திலும், அலைன் ஆட்டத்தின் 40ஆவது நிமிடத்திலும் தலா ஒரு கோல் அடித்து கைகொடுத்தனர். இதனால் முதல் பாதி ஆட்டநேர முடிவில் இந்திய அணி 0–2 என பின்தங்கி இருந்தது.
அதன்பின் தொடங்கிய இரண்டாவது பாதியிலும் அசத்திய பிரேசில் அணிக்கு அலைன் ஆட்டத்தின் 51ஆவது நிமிடத்தில் கோலடித்து அசத்தினார். அதன்பின் அந்த அணியின் லாரா சிறப்பாக செயல்பட்டு ஆட்டத்திம் 86ஆவது மற்றும் கூடுதல் நேரமான 90+3ஆவது நிமிடங்களில் அடுத்தடுத்து இரு கோல்களை அடித்தார்.
