Daniel vettori
Image Source: Google
சன்ரைசர்ஸ் ஹைதராபாத் அணியின் பயிற்சியாளராக டேனியல் விட்டோரி நியமனம்!
நடந்து முடிந்த ஐபிஎல் தொடரின் 16ஆவது சீசனில் சன்ரைசர்ஸ் ஹைதராபாத் அணி விளையாடிய 14 போட்டிகளில் 4 வெற்றி, 10 தோல்வி என்று புள்ளிப்பட்டியலில் கடைசி இடத்தை பிடித்தது. அதுமட்டுமல்லாமல் கடந்த 2021ஆம் ஆண்டில் இருந்து இதுவரை விளையாடி வெறும் 13 போட்டிகளில் மட்டுமே வெற்றிபெற்றும், 29 போட்டிகளில் தோல்வியும் அடைந்துள்ளது.
புதிய கேப்டன் மார்க்ரம் ஹைதராபாத் அணிக்கு மாற்றத்தை கொண்டு வருவார் என்று எதிர்பார்க்கப்பட்ட நிலையில், ஒரு மாற்றத்தையும் அவரால் கொண்டு வர முடியவில்லை. இதன் மூலம் 2016ஆம் ஆண்டில் இருந்து 2020ஆம் ஆண்டு வரை தொடர்ந்து பிளே ஆஃப் சுற்றில் விளையாடிய ஹைதராபாத் அணி, தொடர்ந்து மூன்றாவது முறையாக பிளே ஆஃப் சுற்றுக்கு கூட முன்னேற முடியாமல் வெளியேறியுள்ளது.
