Dipendra singh
டி20 கிரிக்கெட்டில் யுவராஜ் சிங் சாதனையை சமன்செய்த நேபாள் வீரர்!
ஆசிய கிரிக்கெட் கவுன்சில் சார்பில் நடத்தப்பட்டு வரும் சர்வதேச டி20 பிரீமியர் கோப்பை தொடர் ஓமனில் நடைபெற்று வருகிறது. மொத்தம் 10 அணிகள் பங்கேற்றுள்ள இத்தொடரானது இரு குழுக்களாக பிரிக்கப்பட்டு, லீக் போட்டிகள் நடைபெற்று வருகின்றனர். அந்தவகையில் குரூப் ஏ அணியில் இடம்பிடித்துள்ள நேபாள் மற்றும் கத்தார் அணிகளுக்கு இடையேயான லீக் போட்டி இன்று நடைபெற்றது.
இப்போட்டியில் டாஸ் வென்று முதலில் பேட்டிங் செய்த நேபாள் அணியானது ஆசிஃப் ஷேக் மற்றும் திபேந்திர சிங் ஆகியோரது அதிரடியான ஆட்டத்தின் மூலம் 20 ஓவர்கள் முடிவில் 7 விக்கெட்டுகள் இழப்பிற்கு 210 ரன்களை குவித்தது. இதில் அதிகபட்சமாக திபேந்திர சிங் 21 பந்துகளில் 3 பவுண்டரி, 7 சிக்சர்கள் என 64 ரன்களையும், ஆசிஃப் ஷேக் 52 ரன்களையும் சேர்த்தனர். கத்தார் அணி தரப்பில் முஸாவர் ஷா, ஹிமான்ஷு ரத்தோட் ஆகியோர் தலா 3 விக்கெட்டுகளை கைப்பற்றினர்.