Impact fielder
Image Source: Google
SA vs IND, 3rd ODI: சிறந்த ஃபீல்டருக்கான விருதை வென்ற சாய் சுதர்ஷன்!
தென் ஆப்பிரிக்க அணிக்கு எதிரான ஒருநாள் கிரிக்கெட் தொடரை இந்திய அணி 2-1 என்ற கணக்கில் கைப்பற்றியுள்ளது. கடைசி ஒருநாள் போட்டியில் இந்திய அணி சிறப்பாக விளையாடி 78 ரன்கள் வித்தியாசத்தில் அபார வெற்றியை பெற்றது. இப்போட்டியில் சிறப்பாக விளையாடிய சஞ்சு சாம்சன் 114 பந்துகளில் 108 ரன்கள் எடுத்து ஆட்டநாயகன் விருதை தட்டி சென்றார்.
அதேபோல் 3 போட்டிகளில் விளையாடிய இடதுகை வேகப்பந்துவீச்சாளர் அர்ஷ்தீப் சிங் 10 விக்கெட்டுகளை வீழ்த்தி தொடர் நாயகன் விருதை கைப்பற்றினார். அதேபோல் இந்திய அணியின் கேப்டன் கேஎல் ராகுல் மிகச்சிறப்பாக இளம் வீரர்களை வழிநடத்தி கோப்பையை வென்றுள்ளார். அதேபோல் டிஆர்எஸ் மற்றும் பவுலிங் மாற்றங்களிலும் கேஎல் ராகுலின் தேர்வுகள் மிகச்சிறப்பாக இருந்தது.
