Wanidu hasaranga
ஐசிசி டி20 தரவரிசை: ஷாகிப்புடன் முதலிடத்தை பகிர்ந்து கொண்டார் ஹசரங்கா!
வங்கதேசம் - ஜிம்பாப்வே அணிகளுக்கு இடையேயான 5 போட்டிகள் கொண்ட டி20 தொடர் சமீபத்தில் நடைபெற்று முடிந்தது. இத்தொடரில் வங்கதேச அணியானது 4-1 என்ற கணக்கில் ஜிம்பாப்வ்வே அணியை வீழ்த்தி தொடரை கைப்பற்றியது. இந்நிலையில் சர்வதேச டி20 கிரிக்கெட் வீரர்களுக்கான தரவரிசைப் பட்டியலை ஐசிசி இன்று வெளியிட்டுள்ளது. இதில் குறிப்பிடத்தக்க மாற்றமாக இலங்கை அணி கேப்டன் வநிந்து ஹசரங்கா ஆல் ரவுண்டர்களுக்கான பட்டியலில் முதலிடம் பிடித்துள்ளார்.
அதன்படி நடைபெற்று முடிந்த ஜிம்பாப்வே அணிக்கெதிரான டி20 தொடரில் விளையாடிய வங்கதேச வீரர் ஷாகிப் அல் ஹசன் கடைசி இரண்டு போட்டிகளில் மட்டுமே இடம்பிடித்து விளையாடியதால் 10 புள்ளிகள் குறைந்துள்ளார். இதன்மூலம் ஐசிசி டி20 ஆல் ரவுண்டர்களுக்கான தரவரிசை பட்டியளில் ஷாகிப் அல் ஹசனுடன் இணைந்து இலங்கை அணி கேப்டன் வநிந்து ஹசரங்காவும் முதலிடத்தை பகிர்ந்துகொண்டுள்ளார்.
