2nd Test, Day 1: ஆஸியை 286 ரன்களில் ஆல் அவுட்டாக்கியது வெஸ்ட் இண்டீஸ்!

WI vs AUS, 2nd Test: வெஸ்ட் இண்டீஸுக்கு எதிரான இரண்டாவது டெஸ்ட் போட்டியில் ஆஸ்திரேலிய அணி பேட்டர்கள் சோபிக்க தவறிய நிலையில் பியூ வெப்ஸ்டர், அலெக்ஸ் கேரி ஆகியோர் அரைசதம் கடந்து அணியை சரிவிலிருந்து மீட்டெடுத்தனர். 

வெஸ்ட் இண்டீஸ் மற்றும் ஆஸ்திரேலியா அணிகளுக்கு இடையேயான மூன்று போட்டிகள் கொண்ட டெஸ்ட் தொடரின் இரண்டாவது போட்டி நேற்று (ஜூலை 03) கிரெனடாவில் உள்ள தேசிய கிரிக்கெட் மைதானத்தில் தொடங்கியது. இப்போட்டியில் டாஸ் வென்ற வெஸ்ட் ஆஸ்திரேலிய அணி முதலில் பேட்டிங் செய்வதாக அறிவித்து வெஸ்ட் இண்டீஸை பந்துவீச அழைத்தது. இதையடுத்து களமிறங்கிய ஆஸ்திரேலிய அணிக்கு சாம் கொன்ஸ்டாஸ் மற்றும் உஸ்மான் கவாஜா இணை தொடக்கம் கொடுத்தனர். இதில் இருவரும் இணைந்து 47 ரன்கள் பார்ட்னர்ஷிப் அமைத்தனர். 

இதில் உஸ்மான் கவாஜா 16 ரன்னிலும், சாம் கொன்ஸ்டாஸ் 25 ரன்னிலும் என விக்கெட்டை இழக்க, அடுத்து களமிறங்கிய நட்சத்திர வீரர் ஸ்டீவ் ஸ்மித்தும் 3 ரன்களை மட்டுமே எடுத்த கையோடு ஆட்டமிழந்து பெவிலியனுக்கு நடையைக் கட்டினார். மேற்கொண்டு களமிறங்கிய கேமரூன் க்ரீன் 26 ரன்களிலும், டிராவிஸ் ஹெட் 29 ரன்னிலும் என விக்கெட்டை இழந்தனர். இதனால் ஆஸ்திரேலிய அணி 110 ரன்களில் 5 விக்கெட்டுகளை இழந்து தடுமாறியது. பின்னர் ஜோடி சேர்ந்த பியூ வெப்ஸ்டர் மற்றும் அலெக்ஸ் கேரி இணை சிறப்பான ஆட்டத்தை வெளிப்படுத்தி அணியின் ஸ்கோரையும் உயர்த்தினர். 

Also Read: LIVE Cricket Score

இதில் இருவரும் தங்களுடைய அரைசதங்களை பதிவுசெய்து அசத்தியதுடன் 6ஆவது விக்கெட்டிற்கு 100 ரன்களுக்கு மேல் பார்ட்னர்ஷி அமைத்தும் அசத்தினர். அதன்பின் 60 ரன்களில் பியூ வெப்ஸ்டரும், 63 ரன்களில் அலெக்ஸ் கேரியும் என விக்கெட்டை இழந்தனர். அதன்பின் களமிறங்கிய வீரர்களும் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். இதன் காரணமாக ஆஸ்திரேலிய அணி முதல்நாள் ஆட்டநேர முடிவில் அனைத்து விக்கெட்டுகளையும் இழந்து 286 ரன்களுக்கு ஆல் அவுட்டானது. வெஸ்ட் இண்டீஸ் தரப்பில் அல்ஸாரி ஜோசப் 4 விக்கெட்டுகளை வீழ்த்தினார்.