ஐபிஎல் தொடரின் 14ஆவது சீசன் தொடங்கி ரசிகர்களுக்கு விருந்தளித்தளித்து வருகிறது. இந்நிலையில் நேற்று நடைபெற்ற ஆர்சிபி - டெல்லி கேப்பிட்டல்ஸ் அணிகளுக்கு இடையேயான போட்டியில் ஆர்சிபி அணி ஒரு ரன் வித்தியாசத்தில் வெற்றிபெற்று அசத்தியது.
மேலும் அப்போட்டியில் ஆர்சிபி அணியின் அதிரடி வீரர் டி வில்லியர்ஸ், 27 ரன்களை கடந்ததன் மூலம் ஐபிஎல் தொடரில் ஐந்தாயிரம் ரன்களை கடந்த ஆறாவது வீரர் என்ற பெருமையை பெற்றார்.
அதிரடிக்கு துளி அளவு கூட பஞ்சம் இருக்காதா ஐபிஎல் தொடரில் பேட்ஸ்மேன்கள் எப்போதும் வானவேடிக்கை காட்டுவது வழக்கம். அதனால் கிரிக்கெட் உலகின் முதல் நிலை பவுலர் பந்து வீசினாலும் பேட்ஸ்மேன்கள் பந்தை பவுண்டரிக்கு விரட்டுவர்.
அப்படி ஐபிஎல் தொடரில் குறைந்த பந்துகளில் ஐந்தாயிரம் ரன்களை கடந்த வீரர்கள் குறித்த விவரங்களை பார்ப்போம்.
- டிவில்லியர்ஸ் - 161 இன்னிங்ஸ் - 3288 பந்துகள்.
- டேவிட் வார்னர் - 135 இன்னிங்ஸ் - 3554 பந்துகள்.
- சுரேஷ் ரெய்னா - 173 இன்னிங்ஸ் - 3620 பந்துகள்.
- ரோகித் ஷர்மா - 188 இன்னிங்ஸ் - 3817 பந்துகள்.
- விராட் கோலி - 157 இன்னிங்ஸ் - 3827 பந்துகள்.
- தவான் - 168 இன்னிங்ஸ் - 3956 பந்துகள்.
அதே போல ஐபிஎல் அரங்கில் அதிக சிக்ஸர்கள் அடித்த வீரர்களின் பட்டியலில் ஏபிடி வில்லியர்ஸ் 245 சிக்ஸர்களுடன் இரண்டாம் இடத்தில் உள்ளார் என்பது குறிப்பிடத்தக்கது.