இந்தியா - இங்கிலாந்து அணிகளுக்கு இடையேயான ஐந்தாவது மற்றும் கடைசி டி20 போட்டி இன்று மும்பையில் உள்ள வான்கடே கிரிக்கெட் மைதானத்தில் நடைபெற்றது. இப்போட்டியில் டாஸ் வென்ற இங்கிலாந்து அணி முதலில் பந்துவீசுவதாக அறிவித்தது. இதையடுத்து களமிறங்கிய இந்திய அணியின் தொடக்க வீரர் சஞ்சு சாம்சன் சிக்ஸருடன் இன்னிங்ஸைத் தொடங்கிய நிலையில் 16 ரன்னில் விக்கெட்டை இழந்தார்.
அதன்பின் ஜோடி சேர்ந்த அபிஷேக் சர்மா - திலக் வர்மா இணை அதிரடியாக விளையாடி அணியின் ஸ்கோரை மளமளவென உயர்த்தினர். இதில் அபிஷேக் சர்மா 17 பந்துகளில் அரைசதம் கடந்து அசத்திய நிலையில், மறுபக்கம் திலக் வர்மா 24 ரன்னிலும், சூர்யகுமார் யாதவ் 2 ரன்னிலும், ஷிவம் தூபே 30 ரன்னிலும், ஹர்திக் பாண்டியா மற்றும் ரிங்கு சிங் ஆகியோர் தலா 9 ரன்களுடனும் என அடுத்தடுத்து விக்கெட்டுகளை இழந்தனர்.
ஒருபக்கம் விக்கெட்டுகள் சரிந்தாலும் மறுமுனையில் அபாரமாக விளையாடி சிக்ஸர்களை பறக்கவிட்ட அபிஷேக் சர்மா 37 பந்துகளில் தனது இரண்டாவது சர்வதேச டி20 சதத்தைப் பதிவுசெய்து மிரட்டினார். இப்போட்டியில் அதிரடியாக விளையாடிய அபிஷேக் சர்மா 13 சிக்ஸ்ர்கள், 7பவுண்டரிகள் உள்பட 135 ரன்களைச் சேர்க்க, இந்திய அணி 20 ஓவர்கள் முடிவில் 9 விக்கெட் இழப்பிற்கு 247 ரன்களை குவித்தது. இதையடுத்து இங்கிலாந்து அணி இலக்கை நோக்கி விளையாடி வருகிறது.
இந்நிலையில் இப்போட்டியில் சதமடித்து அசத்திய அபிஷேக் சர்மா பல்வேறு சாதனைகளை முறியடித்து அசத்தியுள்ளார். அந்தவகையில் சர்வதேச டி20 கிரிக்கெட்டில் அதிவேகமாக சதமடித்து அசத்திய இரண்டாவது வீரர் மற்றும் இரண்டாவது இந்தியர் எனும் சாதனையை படைத்துள்ளார். முன்னதாக ரோஹித் சர்மா மற்றும் டேவிட் மில்லர் ஆகியோர் தலா 35 பந்துகளில் சதமடித்து இந்த பட்டியலில் முதலிடத்தில் உள்ளார்.
சர்வதேச டி20 கிரிக்கெட்டில் அதிவேகமாக சதமடித்த வீரர்கள்
- 35 பந்துகள் - டேவிட் மில்லர் vs வங்கதேசம், 2017
- 35 பந்துகள் - ரோஹித் சர்மா vs இலங்கை, 2017
- 37 பந்துகள் - அபிஷேக் சர்மா vs இங்கிலாந்து, 2025
- 39 பந்துகள் - ஜான்சன் சார்லஸ் vs தென் ஆப்பிரிக்கா, 2023
- 40 பந்துகள் - சஞ்சு சாம்சன் vs வங்கதேசம், 2024
மேற்கொண்டு இப்போட்டியில் அபிஷேக் சர்மா 13 சிக்ஸர்களை அடித்ததன் மூலம், சர்வதேச டி20 கிரிக்கெட்டில் ஒரு இன்னிங்ஸில் அதிக சிக்ஸர்களை விளாசிய இந்திய வீரர் எனும் ரோஹித் சர்மா, திலக் வர்மா மற்றும் சஞ்சு சாம்சன் ஆகியோரது சாதனைகளை முறியடித்துள்ளார். முன்னதாக இவர்கள் மூவரும் ஒரு இன்னிங்ஸில் தலா 10 சிக்ஸர்களை விளாசி முதலிடத்தில் இருந்த நிலையில் தற்போது அபிஷேக் சர்மா முதலிடம் பிடித்து அசத்தியுள்ளார்.
சர்வதேச டி20 கிரிக்கெட்டில் அதிக சிக்ஸர்கள் (ஒரு இன்னிங்ஸில்)
- 13 சிக்ஸர்கள் - அபிஷேக் சர்மா vs இங்கிலாந்து, 2025
- 10 சிக்ஸர்கள் - ரோஹித் சர்மா vs இலங்கை, 2017
- 10 சிக்ஸர்கள் - சஞ்சு சாம்சன் vs தென் ஆப்பிரிக்கா, 2024
- 10 சிக்ஸர்கள் - திலக் வர்மா vs தென் ஆப்பிரிக்கா, 2024
இதுதவிர்த்து இப்போட்டியில் அபிஷேக் சர்மா 54 பந்துகளில் 137 ரன்களைக் குவித்ததன் மூலம் சர்வதேச டி20 கிரிக்கெட்டில் ஒரு இன்னிங்ஸில் அதிக ரன்களைக் குவித்த இந்திய வீரர் எனும் சாதனையையும் படைத்துள்ளார். முன்னதாக இந்த பட்டியலில் ஷுப்மன் கில் 126 ரன்கள் அடித்ததே சாதனையாக இருந்த நிலையில், அதனை தற்போது அபிஷேக் சர்மா முறியடித்து புதிய சாதனையைப் படைத்துள்ளார் என்பது குறிப்பிடத்தக்கது.
Also Read: Funding To Save Test Cricket
சரவ்தேச டி20 கிரிக்கெட்டில் அதிக ரன்கள் (ஒரு இன்னிங்ஸில்)
- 135 ரன்கள் - அபிஷேக் சர்மா vs இங்கிலாந்து, 2025
- 126 ரன்கள் - ஷுப்மான் கில் vs நியூசிலாந்து, 2023
- 123 ரன்கள் - ருதுராஜ் கெய்க்வாட் vs ஆஸ்திரேலியா, 2023
- 122 ரன்கள் - விராட் கோலி vs ஆஃப்கானிஸ்தான், 2022
- 121 ரன்கள் - ரோஹித் சர்மா vs ஆஃப்கானிஸ்தான், 2024