AFG vs NED, 1st ODI: ஷாஹிதி, ரஷித் கான் சிறப்பு; ஆஃப்கானிஸ்தான் வெற்றி!

ஆஃப்கானிஸ்தான் - நெதர்லாந்து அணிகளுக்கு இடையேயான முதல் ஒருநாள் போட்டி தோஹாவில் இன்று நடைபெற்றது. இப்போட்டியில் டாஸ் வென்ற நெதர்லாந்து அணி பந்துவீச தீர்மானித்தது.

அதன்படி களமிறங்கிய ஆஃப்கானிஸ்தான் அணி ரஹ்மத் ஷா, ஹஸ்மதுல்ல ஷாஹிதி ஆகியோரது அபாரமான ஆட்டத்தின் மூலம் 50 ஓவர்கள் முடிவில் 8 விக்கெட்டுகளை இழந்து 222 ரன்களைச் சேர்த்தது.

இதில் அதிகபட்சமாக ஷாஹித் 73 ரன்களையும், ரஹ்மத் ஷா 70 ரன்களையும் சேர்த்தனர். நெதர்லாந்து தரப்பில் பிராண்டன் குளொவர் 3 விக்கெட்டுகளைக் கைப்பற்றினார். 

இதையடுத்து இலக்கை துரத்திய நெதர்லாந்து அணியில் ஸ்காட் எட்வர்ட்ஸ் மட்டும் ஆரம்பம் முதலே அதிரடியாக விளையாடி அரைசதம் கடந்து அசத்தினார். 

அவரைத் தவிற மற்ற வீரர்கள் யாரும் சரியாக விளையாடாததால் 48 ஓவர்களிலேயே அந்த அணி அனைத்து விக்கெட்டுகளையும் இழந்து 186 ரன்களை மட்டுமே சேர்த்தது. ஆஃப்கானிஸ்தான் அணி தரப்பில் ரஷித் கான் 3 விக்கெட்டுகளைக் கைப்பற்றினார். 

இதன்மூலம் ஆஃப்கானிஸ்தான் அணி 36 ரன்கள் வித்தியாசத்தில் நெதர்லாந்தை வீழ்த்தி, 1-0 என்ற கணக்கில் ஒருநாள் தொடரில் முன்னிலைப் பெற்றது.