IN-W vs AU-W, 1st ODI: இந்திய மகளிர் அணிக்கு எதிரான முதல் ஒருநாள் போட்டியில் ஆஸ்திரேலிய வீராங்கனைகள் ஃபோப் லிட்ச்ஃபீல்ட், பெத் மூனி, அனபெல் சதர்லேண்ட் ஆகியோர் அரைசதம் கடந்து அணிக்கு வெற்றியைத் தேடிக்கொடுத்தனர்.
ஐசிசி மகளிர் உலகக் கோப்பை தொடருக்கு தயாராகும் வகையில் ஆஸ்திரேலிய மகளிர் அணி, இந்தியாவில் சுற்றுப்பயணம் மேற்கொண்டு ஒருநாள் தொடரில் விளையாடி வருகிறது. இதில் இரு அணிகளுக்கு இடையேயான முதல் ஒருநாள் போட்டி இன்று சண்டிகரில் நடைபெற்றது. இந்த போட்டியில் டாஸ் வென்ற இந்திய அணி முதலில் பேட்டிங் செய்வதாக அறிவித்தது.
அதன்படி களமிறங்கிய இதிய அணிக்கு பிரதிகா ராவல் - ஸ்மிருதி மந்தனா இணை அதிரடியான தொடக்கத்தை கொடுத்ததுடன், இருவரும் அரைசதம் கடந்தும் அசத்தினர். இதில் சிறப்பான ஆட்டத்தை வெளிப்படுத்திய ஸ்மிருதி மந்தனா 6 பவுண்டரி, 2 சிக்ஸர்களுடன் 8 ரன்களுக்கு ஆட்டமிழக்க, பிரதிகா ராவலும் 64 ரன்களில் விக்கெட்டை இழந்தார்.
அதன்பின் களமிறங்கிய ஹர்லீன் தியோல் ஒருபக்கம் சிறப்பாக விளையாடி ரன்களைச் சேர்த்த நிலையில், மறுபக்கம் களமிறங்கிய ஹர்மன்ப்ரீத் கவுர், ஜெமிமா ரோட்ரிக்ஸ், ரிச்சா கோஷ், தீப்தி சர்மா ஆகியோர் சொற்ப ரன்களுக்கு விக்கெட்டுகளை இழந்தனர். பின்னர் அரைசதம் ஹர்லீன் தியோலும் 54 ரன்களில் ஆட்டமிழந்தார்.
இதனால் இந்திய அணி 50 ஓவர்கள் முடிவில் 7 விக்கெட்டுகள் இழப்பிற்கு 281 ரன்களைச் சேர்த்தது. ஆஸ்திரேலிய தரப்பில் மேகன் ஷட் 2 விக்கெட்டுகளை கைப்பற்றினார். பின்னர் இலக்கை நோக்கி விளையாடிய ஆஸ்திரேலிய அணிக்கு அலிசா ஹீலி - போப் லிட்ச் ஃபீல்ட் இணை தொடக்கம் கொடுத்தனர். இதில் அலிசா ஹீலி 27 ரன்களில் ஆட்டமிழந்தார்.
அடுத்து களமிறங்கிய எல்லிஸ் பெர்ரியும் 30 ரன்களில் ஆட்டமிழக்க, மறுபக்கம அரைசதம் கடந்து விளையாடி வந்த போப் லிட்ச்ஃபீல்டும் 88 ரன்களில் விக்கெட்டை இழந்து சதமடிக்கும் வாய்ப்பை தவறவிட்டார். பின்னர் ஜோடி சேர்ந்த பெத் மூனி - அனபெல் சதர்லேண்ட் இணை அபாரமாக விளையாடி, அணியை வெற்றியை நோக்கி அழைத்து சென்றனர்.
இதில் இறுதிவரை ஆட்டமிழக்காமல் இருந்த பெத் மூனி 77 ரன்களையும், அனபெல் சதர்லேண்ட் 54 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன் மூலம் ஆஸ்திரேலிய மகளிர் அணி 44.1 ஓவர்களில் இலக்கை எட்டியதுட 8 விக்கெட் வித்தியாசத்தில் வெற்றி பெற்றது. இதன் மூலம் ஆஸ்திரேலிய அணி 1-0 என்ற கணக்கில் தொடரில் முன்னிலைப் பெற்றுள்ளது.
Also Read: LIVE Cricket Score