BAN vs PAK: லிட்டன் தாஸ் தலைமையிலான வங்கதேச அணி அறிவிப்பு!

Bangladesh T20I Squad for Pakistan: பாகிஸ்தானுக்கு எதிரான டி20 தொடரில் விளையாடும் லிட்டன் தாஸ் தலைமையிலான வங்கதேச அணி அறிவிக்கப்பட்டுள்ள நிலையில், இலங்கை தொடரில் விளையாடிய அனைவருக்கும் வாய்ப்பு வழங்கப்பட்டுள்ளது. 

வங்கதேச அணி சமீபாத்தில் இலங்கையில் சுற்றுப்பயணம் மேற்கொண்டு மூன்று வடிவிலான கிரிக்கெட் தொடர்களில் விளையாடியது. இதில் நடைபெற்று முடிந்த மூன்று போட்டிகள் கொண்ட டி20 தொடரை வங்கதேச அணி 2-1 என்ற கணக்கில் கைப்பற்றி அசத்தியது. இதனைத்தொடர்ந்து வங்கதேச அணியானது சொந்த மண்ணில் பாகிஸ்தான் அணிக்கு எதிரான மூன்று போட்டிகள் கொண்ட டி20 தொடரில் விளையாடவுள்ளது. 

இவ்விரு அணிகளுக்கு இடையேயான இந்த டி20 தொடர் எதிர்வரும் ஜூலை 20ஆம் தேதி முதல் நடைபெறவுள்ளது. இதில் முதல் டி20 போட்டி ஜூலை 20ஆம் தேதியும், இரண்டாவது போட்டி ஜூலை 22ஆம் தேதியும், ஜூலை 24ஆம் தேதி மூன்றாவது டி20 போட்டியும் நடைபெறவுள்ளது. இத்தொடரின் அனைத்து போட்டிகளும் டாக்காவில் உள்ள ஷேர் பங்களா தேசிய கிரிக்கெட் மைதானத்தில் நடைபெறவுள்ளது. இந்நிலையில் இத்தொடருக்கான பாகிஸ்தான் அணி சமீபத்தில் அறிவிக்கப்பட்டது. 

சல்மான் அலி ஆகா தலைமையிலான இந்த அணியில் நட்சத்திர வீரர்கள் ஷதாக் கான் மற்றும் ஹாரிஸ் ராவுஃப் ஆகியோர் காயம் காரணமாக அணியில் இருந்து விலகியுள்ளனர். இதுதவிர்த்து அணியின் முன்னணி வீரர்களாக கருதப்படும் முன்னாள் கேப்டன்கள் பாபர் ஆசாம், முகமது ரிஸ்வான், ஷாஹீன் அஃப்ரிடி உள்ளிட்டோரும் இத்தொடருக்கான பாகிஸ்தான் டி20 அணியில் இருந்து நீக்கப்பட்டுள்ளனர். முன்னதாக இவர்கள் கடந்த தொடரிலும் நீக்கப்பட்டிருந்தது குறிப்பிடத்தக்கது. 

இந்நிலையில் இத்தொடருக்கான லிட்டன் தாஸ் தலைமையிலான வங்கதேச அணியை அந்நாட்டு கிரிக்கெட் வாரியம் அறிவித்துள்ளது. இதில் இலங்கை தொடரில் விளையாடியான அனைத்து வீரர்களுக்கும் இத்தொடரில் இடம்கிடைத்துள்ளது. ஏற்கெனவே இந்த அணி இலங்கையை அதன் சொந்த மண்ணிலேயே வீழ்த்தி 2-1 என்ற கணக்கில் தொடரை வென்றுள்ளதன் காரணமாக அணியில் எந்த மாற்றமும் செய்யப்படவில்லை என்று கூறப்படுகிறது.

வங்கதேச டி20 அணி: லிட்டன் குமார் தாஸ் (கேப்டன்), தன்சித் ஹசன் தமீம், பர்வேஸ் ஹொசைன் எமன், முகமது நைம் ஷேக், தவ்ஹித் ஹிரிடோய், ஜாக்கர் அலி அனிக், ஷமிம் ஹொசைன் பட்வாரி, மெஹிதி ஹசன் மிராஸ், ரிஷாத் ஹொசைன், ஷக் மஹேதி ஹசன், நசும் அகமது, தஸ்கின் அகமது, முஸ்தாபிசுர் ரஹ்மான், ஷோரிஃபுல் இஸ்லாம், தன்சிம் ஹசன் சாகிப், முகமது சைபுதீன்.

Also Read: LIVE Cricket Score

பாகிஸ்தான் டி20 அணி: சல்மான் அலி ஆகா (கேப்டன்), அப்ரார் அகமது, அகமது டேனியல், ஃபஹீம் அஷ்ரஃப், ஃபகர் ஸமான், ஹசன் நவாஸ், ஹுசைன் தலாத், குஷ்தில் ஷா, முகமது அப்பாஸ் அஃப்ரிடி, முகமது ஹாரிஸ், முகமது நவாஸ், சாஹிப்சாதா ஃபர்ஹான், சைம் அயூப், சல்மான் மிர்சா, சுஃபியான் முகீம்