ஐபிஎல் தொடரில் இன்று நடைபெற்ற லீக் போட்டியில் டெல்லி கேப்பிட்டல்ஸ் மற்றும் கொல்கத்தா நைட் ரைடர்ஸ் அணிகள் பலப்பரீட்சை நடத்தின. அருண் ஜெட்லி மைதானத்தில் நடைபெற்ற இப்போட்டியில் டாஸ் வென்ற டெல்லி கேப்பிட்டல்ஸ் அணி முதலில் பந்துவீசுவதாக அறிவித்தது.
இதையடுத்து களமிறங்கிய கொல்கத்தா நைட் ரைடர்ஸ் அணியில் ரஹ்மனுல்லா குர்பாஸ் 26 ரன்னிலும், சுனில் நரைன் 27 ரன்களையும், கேப்டன் அஜிங்கியா ரஹானே 26 ரன்னிலும், அங்கிரிஷ் ரகுவன்ஷி 44 ரன்னிலும், சுனில் நரைன் 36 ரன்னிலும் என விக்கெட்டை இழக்க மற்ற வீரர்கள் சோபிக்க தவறினர். இதனால் 20 ஓவர்கள் முடிவில் கொல்கத்தா நைட் ரைடர்ஸ் அணி 9 விக்கெட்டுகளை இழந்து 204 ரன்களைச் சேர்த்தது.
டெல்லி கேப்பிட்டல்ஸ் தரப்பில் மிட்செல் ஸ்டார்க் 3 விக்கெட்டுகளையும், விப்ராஜ் நிகம் மற்றும் அக்ஸர் படேல் தலா 2 விக்கெட்டுகளையும் கைப்பற்றினர். இதனையடுத்து டெல்லி கேப்பிட்டல்ஸ் அணி இலக்கை நோக்கி விளையாடி வருகிறது. இந்நிலையில் இப்போட்டியில் டெல்லி கேப்பிட்டல்ஸ் அணி வீரர் துஷ்மந்தா சமீரா பவுண்டரி எல்லையில் பிடித்த ஒரு அபாரமான கேட்ச் ஒட்டுமொத்த கிரிக்கெட் ரசிகர்களையும் வியப்பில் ஆழ்த்தியுள்ளது.
அதன்படி இன்னிங்ஸின் கடைசி ஓவரை மிட்செல் ஸ்டார்க் வீசிய நிலையில், அந்த ஓவரின் 4ஆவது பந்தை எதிர்கொண்ட அனுகுல் ராய் டீப் பேக்வேர்ட் திசையில் பவுண்டரி அடிக்கு முயற்சியில் பந்தை அடித்தார். அப்போது அத்திசையில் ஃபீல்டிங் செய்து கொண்டிருந்த துஷ்மந்தா சமீரா அபாரமான டைவை அடித்ததுடன் காற்றில் இருந்த படியே கேட்ச் பிடித்தும் அசத்தினார். இந்நிலையில் துஷ்மந்தா சமீரா பிடித்த இந்த அபாரமான கேட்ச் குறித்த காணொளி வைரலாகி வருகிறது.
டெல்லி கேப்பிட்டல்ஸ்: ஃபாஃப் டு பிளெசிஸ், அபிஷேக் போரல், கருண் நாயர், கேஎல் ராகுல், அக்ஸர் படேல் (கேப்டன்), டிரிஸ்டன் ஸ்டப்ஸ், விப்ராஜ் நிகம், மிட்செல் ஸ்டார்க், குல்தீப் யாதவ், துஷ்மந்த சமீரா, மற்றும் முகேஷ் குமார்
இம்பேக்ட் வீரர்கள்: அஷுதோஷ் சர்மா, ஜேக் ஃப்ரேசர் மெக்குர்க், திரிபுரானா விஜய், சமீர் ரிஸ்வி, மற்றும் டோனோவன் ஃபெரீரா
கொல்கத்தா நைட் ரைடர்ஸ்: ரஹ்மானுல்லா குர்பாஸ், சுனில் நரைன், அஜிங்கியா ரஹானே (கேப்டன்), வெங்கடேஷ் ஐயர், ரிங்கு சிங், ஆங்க்ரிஷ் ரகுவன்ஷி, ஆண்ட்ரே ரசல், ரோவ்மன் பவல், ஹர்ஷித் ராணா, அனுகுல் ராய், மற்றும் வருண் சக்கரவர்த்தி
Also Read: LIVE Cricket Score
இம்கேப்ட் வீரர்கள்: மணீஷ் பாண்டே, லவ்னித் சிசோடியா, மயங்க் மார்கண்டே, வைபவ் அரோரா, ரமன்தீப் சிங்.