Zimbabwe vs New Zealand Test Series 2025: நியூசிலாந்து அணிக்கு எதிரான இரண்டு போட்டிகள் கொண்ட டெஸ்ட் தொடரில் விளையாடும் ஜிம்பாப்வே அணி அறிவிக்கப்பட்டுள்ள நிலையில், நட்சத்திர வீரர்கள் சிக்கந்தர் ரஸா மற்றும் பென் கரண் ஆகியோர் மீண்டும் டெஸ்ட் அணிக்கு திரும்பியுள்ளனர்.
நியூசிலாந்து அணி ஜிம்பாப்வேவில் சுற்றுப்பயணம் செய்து இரண்டு போட்டிகள் கொண்ட டெஸ்ட் தொடரில் விளையாடவுள்ளது. அந்தவகையில் இவ்விரு அணிகளுக்கும் இடையேயான இந்த டெஸ்ட் தொடரானது எதிர்வரும் ஜூலை 30ஆம் தேதி முதல் தொடங்கவுள்ளது. இதில் முதல் டெஸ்ட் போட்டி ஜூலை 30ஆம் தேதியும், இரண்டாவது டெஸ்ட் போட்டி ஆகஸ்ட் 07ஆம் தேதியும் புலவாயோவில் உள்ள குயின்ஸ் ஸ்போர்ட்ஸ் கிளப் மைதானத்தில் நடைபெறவுள்ளது.
இந்த தொடருக்கான நியூசிலாந்து டெஸ்ட் அணி சமீபத்தில் அறிவிக்கப்பட்டிருந்தது. டாம் லேதம் தலைமையிலான இந்த டெஸ்ட் அணியில் அறிமுக வீரர் மேத்யூ ஃபிஷருக்கு வாய்ப்பு வழங்கப்பட்டுள்ளது. அதேசமயம் நியூசிலாந்து அணியின் முன்னாள் கேப்டன் கேன் வில்லியம்சன்னிற்கு இந்த தொடரில் ஓய்வளிக்கப்பட்டுள்ளது. அதேசமயம் மைக்கேல் பிரேஸ்வெல்லும் தனிப்பட்ட காரணங்களால் இத்தொடரில் விளையாடவிலலை என்று அறிவிக்கப்பட்டுள்ளது.
இந்நிலையில் டெஸ்ட் தொடருக்கான ஜிம்பாப்வே அணி இன்று அறிவிக்கப்பட்டுள்ளது. கிரேய்க் எர்வின் தலைமையிலான இந்த அணியில் டாம் கரண், சிக்கந்தர் ரஸா உள்ளிட்ட நட்சத்திர வீரர்கள் இடம்பிடித்துள்ளனர். முன்னதாக இவர்கள் இருவரும் தென் ஆப்பிரிக்காவுக்கு எதிரான டெஸ்ட் தொடரில் இருந்து விலகி இருந்தனர். மேற்கொண்டு பிளெசிங் முசரபானி மற்றும் சீன் வில்லியம்ஸ் உள்ளிட்ட நட்சத்திர வீரர்களும் தங்கள் இடங்களைத் தக்கவைத்துள்ளனர்.
ஜிம்பாப்வே டெஸ்ட் அணி: கிரேக் எர்வின் (கேப்டன்), பிரையன் பென்னட், தனகா சிவாங்கா, பென் கரண், ட்ரெவர் குவாண்டு, ராய் கையா, தனுனுர்வா மகோனி, கிளைவ் மடாண்டே, வின்சென்ட் மசெகேசா, வெலிங்டன் மசகட்ஸா, பிளஸ்ஸிங் முசரபானி, நியூமன் நியாம்ஹுரி, சிக்கந்தர் ராசா, தஃபட்ஸ்வா சிகா, நிக்கோலஸ் வெல்ச், சீன் வில்லியம்ஸ்.
Also Read: LIVE Cricket Score
நியூசிலாந்து டெஸ்ட் அணி: டாம் லாதம் (கேப்டன்), டாம் ப்ளண்டெல், டெவன் கான்வே, ஜேக்கப் டஃபி, மேத்யூ ஃபிஷர், மேட் ஹென்றி, டேரில் மிட்செல், ஹென்றி நிக்கோல்ஸ், வில் ஓ'ரூர்க், அஜாஸ் படேல், க்ளென் பிலிப்ஸ், ராச்சின் ரவீந்திரா, மிட்செல் சாண்ட்னர், நாதன் ஸ்மித், வில் யங்