Shubman Gill Record: மான்செஸ்டர் டெஸ்ட் போட்டியில் விளையாடும் இந்திய அணி கேப்டன் ஷுப்மன் கில் 25 ரன்களைச் சேர்த்தால் முன்னாள் பாகிஸ்தான் வீரர் முகமது யுசுஃபின் சாதனையை முறியடிக்கும் வாய்ப்பைப் பெற்றுள்ளார்.
இங்கிலாந்து - இந்தியா அணிகளுக்கு இடையேயான ஆண்டர்சன் - டெண்டுல்கர் கோப்பை டெஸ்ட் தொடரின் 4ஆவது போட்டி எதிர்வரும் ஜூலை 23ஆம் தேதி மான்செஸ்டரில் உள்ள ஓல்ட் டிராஃபோர்ட் கிரிக்கெட் மைதானத்தில் நடைபெறவுள்ளது. தற்சமயம் இங்கிலாந்து அணி இத்தொடரில் 2-1 என்ற கணக்கில் முன்னிலை வகித்து வரும் நிலையில், இப்போட்டியிலும் வெற்றிபெற்று தொடரை கைப்பற்றும் முனைப்பில் விளையாடவுள்ளது.
இந்நிலையில் இப்போட்டியின் மூலம் இந்திய அணி கேப்டன் ஷுப்மன் கில் 24 ரன்களைச் சேர்த்தால் முன்னாள் பாகிஸ்தான் வீரர் முகமது யுசுஃபின் சாதனையை முறியடிக்கும் வாய்ப்பைப் பெற்றுள்ளார். அதன்படி இங்கிலாந்தில் ஒரு டெஸ்ட் தொடரில் அதிக ரன்களைக் குவித்த ஆசியா வீரர் எனும் சாதனையை முகமது யுசுஃப் தனது பெயரில் வைத்துள்ளார். அவர் கடந்த 2006ஆம் ஆண்டு 631 ரன்களைக் குவித்திருந்ததேச் இதுநாள் வரை சாதனையாக உள்ளது.
ஆனால் தற்சமயம் ஷுப்மன் கில் இதுவரை விளையாடிய மூன்று டெஸ்ட் போட்டிகளில் 607 ரன்களைக் குவித்து இந்த பட்டியலில் இரண்டாம் இடத்தைப் பிடித்துள்ளர். இதனால் நான்காவது டெஸ்ட் போட்டியில் அவர் இந்த சாதனையை முறியடிப்பார் என்ற எதிர்பார்ப்புகள் உள்ளன. ஏனெனில் நடப்பு இங்கிலாந்து டெஸ்ட் தொடரில் ஷுப்மன் கில்லின் ஃபார்ம் சிறப்பாக் இருந்துள்ளது. இதில் அவர் இரண்டு சதங்களையும், ஒரு இரட்டை சதத்தையும் அடித்துள்ளது குறிப்பிடத்தக்கது.
இங்கிலாந்து டெஸ்ட் தொடரில் அதிக ரன்களை அடித்த ஆசிய வீரர்கள்
- முகமது யூசுப் (பாகிஸ்தான்) - 631 (2006)
- ஷுப்மான் கில் (இந்தியா) - 607 (2025)*
- ராகுல் டிராவிட் (இந்தியா) - 602 (2002)
- விராட் கோலி (இந்தியா) - 593 (2018)
- சுனில் கவாஸ்கர் (இந்தியா) - 542 (1979)
- சலீம் மாலிக் (பாகிஸ்தான்) - 488 (1992)
Also Read: LIVE Cricket Score
இந்திய டெஸ்ட் அணி: ஷுப்மன் கில் (கேப்டன்), ரிஷப் பந்த் (துணைக்கேப்டன்), யஷஸ்வி ஜெய்ஸ்வால், கேஎல் ராகுல், சாய் சுதர்ஷன், அபிமன்யு ஈஸ்வரன், கருண் நாயர், நிதிஷ் குமார் ரெட்டி, ரவீந்திர ஜடேஜா, துருவ் ஜூரல், வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், பிரசித் கிருஷ்ணா, ஆகாஷ் தீப், அர்ஷ்தீப் சிங், குல்தீப் யாதவ்.