இங்கிலாந்தில் சுற்றுப்பயணம் செய்து வரும் வெஸ்ட் இண்டீஸ் அணி தற்போது மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் இங்கிலாந்து - வெஸ்ட் இண்டீஸ் அணிகளுக்கு இடையேயான இரண்டாவது ஒருநாள் போட்டி இன்று கார்டிஃபில் உள்ள சோஃபியா கார்டன்ஸ் கிரிக்கெட் மைதானத்தில் நடைபெறவுள்ளது.
முன்னதாக நடைபெற்ற இவ்விரு அணிகளுக்கும் இடையேயான முதல் ஒருநாள் போட்டியில் இங்கிலாந்து அணி 238 ரன்கள் வித்தியாசத்தில் வெஸ்ட் இண்டீஸை வீழ்த்தி 1-0 என்ற கணக்கில் தொடரில் முன்னிலையும் வகிக்கிறது. இதனால் இன்றைய போட்டியிலும் இங்கிலாந்து அணி வெற்றிபெற்று தொடரை வெல்ல முயற்சிக்கும். அதேசமயம் வெஸ்ட் இண்டீஸும் இப்போட்டியில் வெற்றிபெற்று தொடரை சமன்செய்யும் முயற்சியில் விளையாடவுள்ளதால் இப்போட்டியின் மீதன எதிர்பார்ப்பும் அதிகரித்துள்ளன.
இந்நிலையில் முதல் ஒருநாள் போட்டியில் வெஸ்ட் இண்டீஸ் அணி பந்துவீச அதிக நேரம் எடுத்துக்கொண்டதாக ஐசிசி அபராதம் விதித்துள்ளது. அதன்படி முதல் ஒருநாள் போட்டியில் வெஸ்ட் இண்டீஸ் அணியானது குறிப்பிட்ட நேரத்தைக் காட்டிலும் கடைசி மூன்று ஓவர்களில் பந்துவீச அதிக நேரம் எடுத்துக்கொண்டதை அடுத்து, எஞ்சிய ஓவர்களின் போது 5 ஃபீல்டர்களை 3யார்ட் வைட்டத்திற்குள் வைத்து பந்துவீச்ச வேண்டிய கட்டாயத்திற்கு தள்ளப்பட்டிருந்தது.
இதனையடுத்து ஐசிசி நடத்தை விதிமுறைகளின் படி இது குற்றம் என்பதால், வெஸ்ட் இண்டீஸ் அணி கேப்டன் ஷாய் ஹோப் உள்பட பிளேயிங் லெவனில் இடம்பிடித்த அனைத்து வீரர்களுக்கும் போட்டி கட்டணத்தில் இருந்து ஐந்து சதவீதம் அபராதமாக விதித்து ஐசிசி நடவடிக்கை எடுத்துள்ளது. மேலும் ஷாய் ஹோப்பும் தமது குற்றத்தை ஒப்புக்கொண்டதன் காரணமாக மேற்கொண்டு விசாரணை தேவை இல்லை என்பதையும் ஐசிசி தெளிவுபடுத்திவுள்ளது.
இங்கிலாந்து ஒருநாள் அணி: ஹாரி புரூக் (கேப்டன்), டாம் பான்டன், ஜேக்கப் பெத்தேல், ஜோஸ் பட்லர், பிரைடன் கார்ஸ், பென் டக்கெட், டாம் ஹார்ட்லி, வில் ஜாக்ஸ், சாகிப் மஹ்மூத்,மேத்யூ பாட்ஸ், ஆதில் ரஷித், ஜோ ரூட், ஜேமி ஸ்மித், லுக் வுட்.
Also Read: LIVE Cricket Score
வெஸ்ட் இண்டீஸ் ஒருநாள் அணி: ஷாய் ஹோப் (கேப்டன்), ஜூவல் ஆண்ட்ரூ, கீசி கார்டி, ரோஸ்டன் சேஸ், மேத்யூ ஃபோர்டு, ஜஸ்டின் கிரீவ்ஸ், அமீர் ஜாங்கூ, அல்சாரி ஜோசப், ஷமர் ஜோசப், பிராண்டன் கிங், எவின் லூயிஸ், குடகேஷ் மோதி, ஷெர்பேன் ரூதர்ஃபோர்டு, ஜெய்டன் சீல்ஸ், ரொமாரியோ ஷெப்ஃபர்ட்.